II. Samuela 18:14 - Iaai Bible 1901 (New Caledonia)

¹⁴ Ke Joab ame ha, ka habe, E ca khanö nya he ka bec helâe unyâm. Ke e ame hom kun ta uthö hnyi hnyamen, me dâoâ oûnykûmi Abasoloma e ka tiga möt hnyi wanben iwajo.

II. Samuela 18:14 ပူးပေါင်းရင်းမြစ်များ

II. Samuela 12:10

Ke walang ang ame ca he ka hia hele vat hnyi hnyabam nyiele balua; anyin u je höciö nya me hom öiö Uria at Heth me âiâm.

II. Samuela 14:30

Me e ame ha ka lathnyabainy ka habe, Wâ bi, e hakekeny könya utkânâ i Joab, ke e hu anyin bali eling; he thʼ öbun ka thong. Me haba lathnyabai Abasoloma ödrin e thong utkânâ.

II. Samuela 18:15

Ke ten je hidröu ödrin e hom tilâ je ûnyi vat anyi Joab ödrin e tot igigilo me hlingö Abasoloma.

II. Samuela 18:5

Ke haba than ame hûna kö Joab, me Abisai, me Itai, ka habe, Ö öbun e menyik ka hidröu jia Abasoloma, can bi inya. Ke a long ut tavat hia hnyi ûen than ame hûna ka je taben hia ga Abasoloma.

II. Samuela 19:1

KE adre me thumetu Joab, ka habe, Wâ bi, than ame tenge thungaû ga Abasoloma.

II. Samuela 19:11

Haba Davita than ame ûkbûnöng kö Zadoka me Abiathara li at bihut, me haingen, ka habe, Fuc dʼ öbu ka wahingatiny Juda, me ha, ka habe, Ieû gabun a öbun e bec he ka ohmeto than ka hnyi umen uma? ke a o but hofuc hwan at Isaraela hia thithö ka than hnyi umen uma.

Jobu 20:5

A e okhulit thibi hna hobâ hnen tavat ae kong, Ke thuthubademak senyin anyin tavat adre me ca ot?

Salamo 37:35

Oge me hia but wâ at ae kong hnyi maniny man ae gan, Kʼ ame okhulelauâ helâ me ûö ae hât hnyi kânân kânâ.

Salamo 45:5

E so hmonyin homakan ânyâm je fana; A ta but je hnyei eû hmelâm; A hia but dit hnyi hnyekon je iwahnaihmiöny me than.

Mataio 12:40

anyin a Jona ame laba hnyi hnyin wâ ae gan kun ta lany ke kun ta lit: helâe ame he Nokon at ka laba hnyi hnyin kânâ kun ta lany ke kun ta lit.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

Owisa 4:21

Ke haba Jaela öiö Heberu ame hom faoiny uma mano, me hom hama hnyi hnyamen, me he hmecik kâu, me thö fao hnyi halelöûiny, me ame dâ oâ ka hnyi kânâ; anyin a e ame mokut hnying me sënyin; me e ame mokcu.

Owisa 5:26

E ame inâ hnyamen ka hnyi fao, Me hnyamen a metân ka hnyi hama anyin at huliwa; E ame kuc Sisera ge hama, e ame kot dâ oâ ban, E ame dâ me kot dâ oâ halelöûiny.

Owisa 5:31

Iehova lö, e so e he ka mok je iwahnaihmiöny mou hia helâe: Ke ame he tavat adre me hnyok kâu ka helâ me seûno ame he hnyi hwegien. Me ame menâ but hnyei ke ne o but fâte je huna.