II. Samuela 17:8 - Iaai Bible 1901 (New Caledonia)

⁸ Ke haba Husai ame ha minya, ka habe, E khanö u hwakecin kâmâm me tavat unyin, a ödrin hnyat ae hwege, ke hmonyin je hnyekudrin helâ me bea adre hûgûnâ lakon hnyi hnyot: ke at vat kâmâm, ke ame ca he ka tha mokut me tavat.

II. Samuela 17:8 ပူးပေါင်းရင်းမြစ်များ

II. Samuela 15:18

Ke ame tha he ehele lathnyaba hia unyin; me at Kerethi me Pelethi, me Gatha hia, tavat a siks haded hnyat he hoton ûheny Gatha, ödrin e bodrin hnyi hnyimakan than.

II. Samuela 17:9

Wâ bi, e ame ikhölö walang ang hnyi ke hmonop, ame ne ke dok bi: ke e ka ta ke je hnyat a bân, kʼ ame long bi tavat, me adre me he ka ha, ka habe, E hu hna ûhlingö unyin tavat adre me hiö Abasoloma.

II. Samuela 23:16

Me ame he hnyat a kun ae hwege me hagutâ utbavat anyin at Filisiti, me se köiö hnyi an hnyi Bethe-leema hnyi homagöule, me hom kö Davita: ke so bi e ame höcö ic, ke e ame hingâlâ kö Iehova.

II. Samuela 23:18

Haba Abisai liamekeiny me Joab nöku Zeruia, me at ae beönua hnyi ödrin kun. Ke e ame hai anyin ö ka tavat a kun ta haded me hlingʼ ödrin, ke adre me tha hâiâ me ke li at.

II. Je Than 2:24

Me e ame hwio me ô ʼdrin, me hângʼ ödrin hnyi iö Iehova. Me ame o li bea momo ûnyi hnyi hnyot me kiʼ ödrin je wainda a fâte tu.

Ta je Vejec 17:12

E so at ame he ka ûkhanö me bea adre hûgûnâ lakon, Hon he ka ûkhanö me at ae monu hnyi anyin hwen monu.

Ta je Vejec 28:15

Haba at ae kong ame muso tavat ae theduoc, Me liona ame kuku, ke bea ame he monu.

Ezekiela 19:2

ke ha thö, ka habe, Ehö hinyâm? Liona: e ame mokut unyin je liona, e ame hat lakon unyin je nak liona.

Daniela 7:5

Ke wâ bi ke meno, at a loiny, helâ me bea, ke adre ogöranyâ ke keihen, ke kun ta jeien vhak hnyi hnyimen wanben ga nyon: ke adre me ha kâu, ka habe, Todrö, an gânâ ju utiö.

Hosea 13:8

ke oge me he ka ûkhanö mödra helâ me bea adre me hûgûnâ lakon, ke oge me he ka kia thamuâ tangen oûnykûmidra: ke oge me he ka ön ödra eling helâ me liona; ame he ka oloû kiʼ ödra hnen menoiny hnyot.

Owisa 18:25

Me ame ha kâu laku Dana, ka habe, E so adre me ca long hwâm hofuc unyihmun wâ e nye kuc u thö tavat ae hmönyin, me u me he ka mok me ânyâm lap.

I. Samuela 16:18

Me ame thu ke hidröu me ha, ka habe, Wâ bi, oge hia but wâ ke at nöku Jese, at Bethe-leema, ae khana ânyâ ûnyi khumöng, ke e at ae hwege hmonyin, me at vat, me metâ hnyi hwan je hofuc, ke e at ae hmanenang, ke e unyin Iehova.

I. Samuela 17:50

Me e hwege Davita hon at Filisiti ge koloû me veto, me kot at Filisiti me hlingâ e; ke ba hele vat hnyi hnyamö Davita.

I. Samuela 23:23

Anyin a wale wâ eâu, me khana wia je dok hia wale e ame lubaduöng hnyin, ke hmetu thö könya me hnathu, ke oge me he ka tha he möbun: ke wâ bi, ame ne e bi hnyi hnyei oge me he ka elâm e wanben je thauzan anyin at Juda hia thithö.