II. Samuela 16:23 - Iaai Bible 1901 (New Caledonia)

²³ Ke haba ûhnenamö anyi Ahithofela, wale e ame ûhnenamö hnyi je bong eling, e bi helâ ke at ame hnö hnyi hofuc hwan Khong: helâe minya bi je ûhnenamö hia anyi Ahithofela ga Davita me ga Abasoloma.

II. Samuela 16:23 ပူးပေါင်းရင်းမြစ်များ

II. Samuela 15:12

Ke Abasoloma ame ûkhûnöng he ka hum Ahithofela at Gilo, ke obotkongi Davita ûheny hnyi anyin taun, wale ûheny Gilo, ke e ame tiga hudo je hut. Ke e hwege but hna sihnân; anyin ame se hia tot tavat unyi Abasoloma.

II. Samuela 15:31

Ke ame ha ke at kö Davita, ka habe, Ahithofela, ame tha he me tavat hûgûnâ dökhu, me Abasoloma. Haba Davita ame ha, ka habe, Iehova lö, ohavâ but ûhnenamö anyi Ahithofela me me monu but.

II. Samuela 17:1

KE haba Ahithofela ame ha kö Abasoloma, ka habe, Hnö nya he ka ûca twelv thauzan tavat, me oge me he ka tot me hnu hotu Davita eâu hnyinghet:

II. Samuela 17:14

Me ame ha Abasoloma me at Isaraela hia, ka habe, E beönua hofuc ho Husai at Areki hon hofuc ho Ahithofela. Anyin a Iehova ame muso he ka ohavâ hofuc ae so ho Ahithofela, me me he Iehova ka oâ ûnyi ae kong kö Abasoloma.

II. Samuela 17:23

Ke a wâ but Ahithofela a gʼ adre ca ânyâ hoton hnen hna ha, me e ame ip taben hon haleny asina, me todrö, me he ka hnyi umen uma, hnyi anyin taan me hûna ka anyin lap, me hnok; me e ame mokcu, me adre me konâm e hnyi erkemok anyin kamen.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Jobu 5:12

E ame odilâ je ûnykûmânen tavat bihihwakecin, Me me ba ûnyi adre me he ka ânyâ ge je hnyamödrin.

Salamo 19:7

E bekhot ut hnanyibu anyi Iehova, ame ohâtâ hanu: Ke e hmâ hnö Iehova hna ohnathoâ, ame ometâ at ae ba oûnykûminy.

Salamo 28:2

Long ju hwan anyik sumat, iny ka hawo u, Iny ka hai thö li hnyamok ka hnyi dok ae kap u me fuc hnyin.

At Khet 10:1

HABA ta je nöng adre mokcu, me adre me obokongoâ wakaco ae bo so: helâe minya e hmak hnyi tulut monu ae ûhnyûkong hon metâ me hna ogânâ.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 8:9

A hmehma but tavat metâ, adre me monumonu but, me hnok dö: wâ bi, adre hia but hna degecâ hofuc ho Iehova; ke ieû bongon metâ unyidra?

Numera 27:21

Ke e ame he ka tot hnyi hnyimakö Eleazara at bihut, ke hamen he ka hnö hobi kâu hnyi hna owisa hnen Urim hnyi hnyimakö Iehova: ke adre me he ka he hoton hnen hna ha, kʼ adre me he ka hmetu hoton hnen hna ha, a e me lakon Isaraela hia a tha ödra mē, wale ûkhacaköu hia.

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Luka 16:8

Ke haba than ame haisoâ athnyabainy ae ca wisa, anyin a e ame ânyâ metâ: anyin ae metâ but aten hmeledrany unyin anyidra dö hon tavat a aten melam.

Roma 1:22

Adre me ka ohobeluâ anyidra bi metâ, me adre me monu but,

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

I. Samuela 30:8

Ke Davita ame hnö ga Iehova, ka habe, Oge ne hnu hoton deö vat, hawa, oge me he ka hom tilödrin? Me ame ha kâu, ka habe, Hnu thö; me u me he ke khöu ödrin, me hûgûnâ hia hmetu.