II. Samuela 16:22 - Iaai Bible 1901 (New Caledonia)

²² Me ödrin e ulolo uma mano hon ban uma; me haba Abasoloma ame didro ka je momo anyin kamen hnyi hnyimakan at Isaraela hia thi-thö.

II. Samuela 16:22 ပူးပေါင်းရင်းမြစ်များ

Genese 35:22

Ke ame tiga laba Isaraela hnyi hnyei eling, me haba Reubena ame tha mokut me Bila, ke momo anyin kamen: ke a löng ut Isaraela. Ke ödrin twelv ta laku Jekob a baga;

II. Samuela 11:2

Ke haba hnyi sahac Davita ame todrö ûheny hon hnen hna mokut, me ngenu hon uma umen than: ke e ame wâ ûnyi hnyi hon uma ke momo ame soû; ke e te hmanenang momo at ka wâ.

II. Samuela 15:16

Ke ame didrut than me anyin lap hia hoton. Ke than ame ip biju je momo a ten, a anyin je momo he ka tuö hnyaban.

II. Samuela 20:3

Ke Davita ame o but ka hnyi umen uma hnyi Jerusalema; haba than ame hom je momo a ten a anyin je momo, waleji e ame ip he ka tuö uma, me ip ödrin hnyi uma ceat, me haödrin, ke e ame ca dit ködrin. Ke adre ip ödrin ke ne o but hnyi bong Ödrin e mokcu hnyin ödrin e laba helâ me safac.

Isaia 3:9

Ame omanenʼ ödra hnen ta je hnyimakodra; ke adre me omanenâ anyidra hulo helâ me Sodoma, adre ca ikhâlâ bi. Ekölö ge hanudrin! anyin adre me hia but bi hwaban hulo kodra bi.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Ezekiela 24:7

Anyin a e hnyi wanben e dra e ame hingölö; e ame hingâlâ e hon kic ae ba leûnen; kʼ ame ca hingâlâ e hon kânâ me me iyong ge sesâ;

Numera 25:6

Ke wa bi, haba ke at Isaraela ame hom ke momo Midiana ka je liamekeiny mē, hnyi hnyimakö Mose, me hnyi hnyimakan ûkhacaköu anyin lakon Isaraela hia, ödra adre me tenge hnyi hwanumen uma ûkhacaköu.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.