II. Samuela 15:31 - Iaai Bible 1901 (New Caledonia)

³¹ Ke ame ha ke at kö Davita, ka habe, Ahithofela, ame tha he me tavat hûgûnâ dökhu, me Abasoloma. Haba Davita ame ha, ka habe, Iehova lö, ohavâ but ûhnenamö anyi Ahithofela me me monu but.

II. Samuela 15:31 ပူးပေါင်းရင်းမြစ်များ

II. Samuela 15:12

Ke Abasoloma ame ûkhûnöng he ka hum Ahithofela at Gilo, ke obotkongi Davita ûheny hnyi anyin taun, wale ûheny Gilo, ke e ame tiga hudo je hut. Ke e hwege but hna sihnân; anyin ame se hia tot tavat unyi Abasoloma.

II. Samuela 16:23

Ke haba ûhnenamö anyi Ahithofela, wale e ame ûhnenamö hnyi je bong eling, e bi helâ ke at ame hnö hnyi hofuc hwan Khong: helâe minya bi je ûhnenamö hia anyi Ahithofela ga Davita me ga Abasoloma.

II. Samuela 17:14

Me ame ha Abasoloma me at Isaraela hia, ka habe, E beönua hofuc ho Husai at Areki hon hofuc ho Ahithofela. Anyin a Iehova ame muso he ka ohavâ hofuc ae so ho Ahithofela, me me he Iehova ka oâ ûnyi ae kong kö Abasoloma.

II. Samuela 17:23

Ke a wâ but Ahithofela a gʼ adre ca ânyâ hoton hnen hna ha, me e ame ip taben hon haleny asina, me todrö, me he ka hnyi umen uma, hnyi anyin taan me hûna ka anyin lap, me hnok; me e ame mokcu, me adre me konâm e hnyi erkemok anyin kamen.

II. Samuela 17:5

Ke Abasoloma ame ha, ka habe, Me hawo Husai at Areki, mʼ otin e long minya hwan.

II. Samuela 17:7

Me haingö Husai kö Abasoloma, ka habe, E ca so ûhnenamö a ûnö Ahithofela walang ang.

Jobu 5:12

E ame odilâ je ûnykûmânen tavat bihihwakecin, Me me ba ûnyi adre me he ka ânyâ ge je hnyamödrin.

Salamo 109:3

Adre me igigili nya minya me ta je hofuc ae hiny, Me vat mönya ke ba can.

Salamo 3:1

IEHOVA lö, adre me osehia je iwahnaihmiony könya! Ödra se hia tavat adre me tot könya.

Salamo 41:9

Eke, haba ihumik, waleji at oge me geju kâu, at ame an ök jeû Ame hia but hûki nya ge ohmâiny can.

Salamo 55:10

Adre me he igigilo hon hak vetoiny hnyi lany me lit: Ke eû hnyi hnyin e hulo me ûokonguny.

Salamo 55:12

Anyin a ca iwahnaihmiöny bi at ame haikongu nya; Ame ne eling, me oge hia but hokhnyokâ: Ke ame ca hûkötiö nya at eji ame bi gan könga; Ame ne eling, me oge hia but ikhölö gan:

Isaia 19:3

Kʼ ame he Aigupito ka gâon hnyin e; ke oge me he ka ohia ûhnenamöiny: ke adre me he ka elâlâm je idola, me tavat ulit, me tavat tren biobotkong, me tavat bi khong.

Isaia 44:25

inya at ame oûnyibaûâ je haten anyin tavat ae thoi, me omono tavat bi khong; me ohmeto tavat ae metâ, me omono anyidra wâhmakhmeto:

Ioane 13:18

Oge me ca hai öbun hia: e khanö nya hnok je hna ûca: ke so bi me me hwâdâ hna sihnalimen, ka habe, Haba at ame an ök jeû me ame hûki nya ge ohmâiny can.

I. Korinito 1:20

Ewa at ae metâ? Ewa at sihnalimen? Ewa at ivinö hnyi dö eang? Hawa, Khong ame ca omono metâ eang hmeledrany?

Iakobo 3:15

Haba metâ eang me ame ca o ûnyi ethö, ke hwen hmeledrany, me unyin, me demoni.