II. Samuela 14:4 - Iaai Bible 1901 (New Caledonia)

⁴ Ke momo Tekoa ame fuc ka than, me e ame ta hnyikânâi, me iyâû, me ha, ka habe, Than lö, hadruâ thö.

II. Samuela 14:4 ပူးပေါင်းရင်းမြစ်များ

II. Samuela 1:2

me haba hnyi bong a kuniny, wâ bi, ame o but ke at ûheny hnyi hna hunuma unyi Saulo ae khekhe anyin je ûkhaû, ke e hu kânâ hon ban: ke e ame o but kö Davita me e ame ta hnyikânâi me khudrung.

II. Samuela 14:22

Haba Joab ame ta hnyikânâi me khudrung, me ha hnahicâ than: ke Joab ame ha, ka habe, A wâ but athnyabaem hnyi bong ang a oge me wâ ibetengiö hnyi hnyimâkâm than lö a tuhok, anyin a than ame kap hofuc hwan athnyabainy.

II. Samuela 14:5

Ke haingen than ka momo, ka habe, Ieû gam? Me haingen, ka habe, Iny safac, ke a mokcu öiök.

II. Samuela 18:28

Ke Ahimaza ame hongot, me ha ka than, ka habe, E hnahic ut. Ke e ame nom hnyikânâi hnyi hnyimakan than, me ba, ka habe, Ole kö Jehova Khongom at ame hom hwenbâ tavat adre me hoibeny ka than a tuhok.

I. Samuela 20:41

Ke a he but da, me Davita ame o ûheny hnyi hwaiöu, me ta hnyikânâi, me okun nom: ke ödru me ûcimhnyimak, me ûtengiö, ke beönua tenge a Davita.

I. Samuela 25:23

Ke a ö Davita hnö Abigaila, me e ame ie utut ûheny hon asina, me nom ju hnyi hnyimakö Davita, me khudrung hnyikânâi.