II. Samuela 14:25 - Iaai Bible 1901 (New Caledonia)

²⁵ Ke ba at ae lung gan hmâ helâ me Abasoloma hnyi anyin hmanenang hnyi Isaraela hia: e ba hnyikongon hwân hnyi li hnyeûcan ke ne o but hnyi ban.

II. Samuela 14:25 ပူးပေါင်းရင်းမြစ်များ

I. Je Than 1:6

Ke ame ca ohmakâ e hnen kamen hnyi ta je ûen ehac, me ha kâu, ka habe, Ieû gam u me ânyâ helâng? ke e at ae ti hmanenang; ke adre hnokoâ e hwabö Abasoloma.

Jobu 2:7

Haba Satana ame he but ûheny hnyi hnyimakö Iehova, me kuc Jobu ge je ohuc ae kong, hwân hnyi li hnyeûcan ke ne o but hnyi wanben ban.

Ta je Vejec 31:30

Ame thoi hmai, ke thatûnyi bi hmanenang: Ke haba momo a at ame outö Iehova, me adre me he ka haisoâ momo e.

Isaia 1:6

Hwân hnyi hnyeûca ke ne o but hnyi ban, e ba dok ae so hnyin; ke je aat, me je khibi, me je dok ae han: adre ca hia but ometo, me lan, me omenyikâ ge wakaco.

Ezekiela 23:15

adre me weikâ weiködra, adre me bicâ je hnabinybak adre bihnalimen, helâke me je taben hia ödra, helâ me at Babulona hnyi hnyei Kaledaia, hnyei adre hnöku ödra hnyin.

Daniela 1:4

a je thoth ae ba hnyikongudrin, hnyat ae hmanenang he ka wâ, ke hnyat ae khanʼ ödrin je metâ hia, kʼ ödrin e wâhmakhmeto, ke tremângâ je hna ûne, hnyat ae ûcû he ka tot hnyi uma umen than; me hamen be ka nʼ ödrin ge ûne ke hwen Kaledaia.

Mataio 23:27

Ekölö gabun hnyat sihnalimen me ta je Faresaio, hnyat thoi hnyok! anyin a öbun ûcû me ta je erkemok adre me ohawâ, ke so hmonyin at ka wâ hoton, ke haba eû hnyin, me unöngöt ge je jeien komok, me ikiki hia.

Efeso 5:27

me me he ka hom kâu bi ekalesia ae hmanenang, ae ba hnyikongon me ca hwehweti me ke ûnyi helâe: ke ame he ka kap me ba hnyikongon.

Deuteronomi 28:35

Ame he Iehova ka kot li boucam me li cam ge ohuc ae vec, a at ae ca khana he ka metu, hwân hnyi hnyeûcam ke ne o but ka hnyi wanben bâm.

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.

I. Samuela 9:2

Ke e hu nokon baga, Saulo ien, hidröu ae hmanenang; ke ba at unyin lakon Isaraela ae so hon: ke haba ûbeûen e hon tavat hia, me bongödra hnyi li abenyin.