II. Samuela 14:14 - Iaai Bible 1901 (New Caledonia)

¹⁴ Anyin a bongon bi at he ka mok, me helâ me köiö adre hingâlâ hnyikânâi, waleji adre me ca he hmetu ka ûkhöûnâ; ke haba khaca Khong ame ca hlingâ at, ke e ame bi deny, me me ca hia gan at adre me obâ.

II. Samuela 14:14 ပူးပေါင်းရင်းမြစ်များ

II. Samuela 11:25

Me Davita ame ha ka ûthumetu, ka habe, U me he ka thu kö Joab, ka habe, U me ca he ka vec ûnyi hnyi ûnyi e, anyin a haba hele vat ame han monu: hwege thö ânyâm vat ka hnyi taun, me kot: ke u me he ka sihwegiâ.

II. Samuela 14:15

Ke walang ang oge o but he ka ha hofuc eling ka than a tuhok, anyin a tavat ödrin e hia hut ooti nya: ke oge me ha, a athnyabaem, ka habe, Oge me he ka he walang ang ka ha ka than; ame ne he than ka ohwâdâ hna ha ge athnyabaem.

I. Je Than 11:39

Ke oge me he ka ovecâ je mâtrâni Davita can e, ke ca nyiela balua.

Jobu 14:14

Ame ne mokcu at, hawa ame he bi ka möt hmetu? Oge me halubahingen hnyi je bong bongon anyik vat hia, Ke ne o but adre me he ka hnö nya.

Jobu 30:23

Anyin ae khanö nya a u me he ka lili nya ka hnyi mok, Me uma adre penapena hobi kâu tavat hia ae möt.

Jobu 34:15

Ame he ka tha mok tavat hia, Ke ame he at ka hmetu ka hnyi kânâ.

Jobu 34:19

Awe, hawa ge at ame ca wâhmakhmetoâ je than, Me ca oûnyihnatho at ae tren omjeû hon at ae theduoc; Anyin a huliwa anyin li hnyamen ödra hia.

Salamo 22:14

Adre me hingâlâ degeci nya helâ me köiö, Ke ame ok ut je jeiok hia: Haba oûnykûmik me helâ me wasu; Ame okoiâ but eû hnyi hnyekuk.

Salamo 22:15

E atgec dö tang hwegiök helâ me wataginy kaia; Ke ame kece bohmök ka hnyi wahicok; Ke u je hia but hum nya ka hnyi sesâiny kânâiny mok.

Salamo 58:7

E so adre me oköiʼ ödra but helâ me köiö ame hingölö wia: E ka lau anyin cafana, me so ame he je fana ka helâke ûnyi adre subâ degecâ.

Salamo 77:8

Hawa ame hia anyin ibetengiö nyiele balua? Hawa, ame he ka onua hnen hna ba bânâ nyiele balua?

Salamo 79:3

Adre hia but hingâlâ drödra helâ me köiö igigilo Jerusalema; Ke ba at he ka konim ödra.

Salamo 90:10

Haba ta je bonginy ta je hunaihmun, me sevente ta je huna, Kʼ ame ne eite ta je huna, e ka hwege at; Ke so bi e huliwa me hlöuhlöu hmanenangidra; Anyin a ame ie hia but, me ohmun e did ut.

Salamo 90:3

U je wia at me me sesâiny kânâ; Me ha, ka habe, Hmetuhmetu ju öbun lakon tavat.

Esodo 21:13

Ke ame ne ca ikhölö bi, ke ame ne hna ka hnyi hnyamen hnen Khong, me oge me he ka bi hnen hnân he ka kec ka hnyin.

At Khet 9:5

Anyin ae khana tavat ae möt a gʼ adre me he ka mok: ke ca khana bi tavat adre mokcu ke ûnyi, ke ba hmetu bi hwaban kodra; anyin adre hnying bi gadra.

Je tenge anyi Jeremi 3:31

Anyin ame ca he bi Than ka degec nyiele balua.

Ezekiela 18:23

Haingen Than Iehova, ka habe, Hawa oge me senyin e ka mok at ae kong? ke hawa oge me ca senyin bi e ka he ka hmetu ûnyi hnyi ta je hwakecin me me möt?

Levitiko 26:40

Ke odrin e he ka ha manenâ hwakecidrin ae kong anyin je lakamödrin hnyi anyidrin monu adre monu könya, ke can minya odrin e hna degeci nya,

Numera 35:15

Ke hnân hobi kâu lakon Isaraela, me atkanyua, me tavat adre me tha laba medra, je taun eling a siks hnân lubaduöng hnyin; me me he ka kec ka hnyin tavat hia adre me hlingâ at a utöteta.

Numera 35:25

ke ame he ûkhacaköu ka omelö at ame hlingâ at ûnyi hnyi hnyamen at ame bi hwaban komok, ke ame he ûkhacaköu he ka ohmeto e ka hnyi tauniny lubaduöng, waleji e ame kec ka hnyin: ke e ame he ka laba eling ke ne o but ame mokcu at bihut ae beönua, at adre hû ge wakaco ae kap.

Numera 35:28

anyin ae ûcû kâu he ka laba hmâ hnyi tauniny lubaduöng, ke ne o but ame mokcu at bihut ae beönua: ke hwaban imekiny at bihut ae beönua, me ame he at ûhlingö ka hmetu ka hnyi iny hnyei.

Mataio 22:16

Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Ta je huliwa 10:34

Haba Peteru ame ba hofuc, ka habe, E hnathu oge me wâ ûnykûme a haba Khong ame ca wâhmakhmeto tavat:

Roma 2:11

anyin a Khong ame ca bi haten tavat.

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

Heberu 9:27

Adre me ip ka tavat he ka okhaca mok, ke hwaban e ûhnei;

I. Peteru 1:17

Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua: