II. Samuela 13:28 - Iaai Bible 1901 (New Caledonia)

²⁸ Ke Abasoloma ame hûna ka lathnyabainy, ka habe, Wâ wia öbun, e ka senyin hnyeku Aminona ge waina; ke iny ka ha köbun, ka habe, Kuc Aminona but, awe, hlingâ but e, ca ot bi, hawa, inya oge ca hûna köbun? hwege thö, me hnyok baga but.

II. Samuela 13:28 ပူးပေါင်းရင်းမြစ်များ

Genese 9:21

ke e ame ijem waina, me monu but; ke e ame mokut thu eiö hnyin umen uma mano.

II. Samuela 11:13

Ke a hia but hawâ e Davita, me e ame tha han me ic mē; ke e ame habelen me me monu but: ke hnyi sahac e ame didrut he ka mokut hnyi hnen hna mokut tha e me lathnyabainy than, ke a ca he bi ka hnyi umen uma.

II. Samuela 11:15

Ke e ame sihnalimen hnyi tusi, ka habe, Ip Uria ju cicö dok adre vat hwege hnyin, me hna but e, mʼ adre me kot, me me mokcu.

II. Samuela 12:10

Ke walang ang ame ca he ka hia hele vat hnyi hnyabam nyiele balua; anyin u je höciö nya me hom öiö Uria at Heth me âiâm.

II. Samuela 13:27

Ke Abasoloma ame ûjengö e, me e ame hnö Aminona me je baga hia lakon than he ka tha he mē.

II. Samuela 14:6

Ke e hu gak a athnyabaem lakuk li baga, ke ödru me û hnyi hnyei, ke ba at he ka öûsâkâû ödru, kʼ ame kot ke at ge ke at, me hlingâ.

I. Je Than 20:16

Ke ödrin e he hnyi jebigö. Ke haba Ben-adada ame ic me ka omonoâ e hnyi je uma menâ, e me je than, wale je than a thote tu ödrin e hadruâ e.

Esetera 1:10

Ke haba hnyi bong a seveniny, kʼ ame senyin hnyekon than ge waina, me e ame ha ko Meuman, me Bizetha, me Harebona, me Bigetha, me Abagatha, me Zethar, me Karekas je eunuka a seven, hnyat ödrin e huliwa hnyi hnyimakö Asueru than,

Salamo 104:15

Me waina minya hnân osenyinâ hnyekon at, Me wakaco hnân hmanâ hnyimakan, Me jeû hnân sihwegiâ hnyekon at.

Esodo 1:18

Ke haba thaniny Aigupito, ame hawâ li at tuö erkin, me ha ködru, ka habe, Ieû öbe ânyâ gan ûnyi e, me omelö je wainda?

At Khet 10:19

Adre ânyâ bijeû hnân hnyi hluma, ke waina ame osenyinâ möt: ke ûcû ta je ûnyi hia ka mone.

At Khet 9:7

He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

Daniela 5:30

Ke adre me hlingö Belesaza than Kaledaia hnyi hnyinghet eling.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

Ta je huliwa 5:29

Haba Peteru me je aposetolo ödrin e thu, ka habe, E ûcû kohmun he ka long hoton Khong hon at.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Owisa 19:22

Ke ödrin e tiga osenyinâ je hnyekudrin, wâ bi, je aten taun, a je atö Belial, ödrin e tot igigilo uma, me kot hwanuma; me ha ka at ae tren uma, wale hingat, ka habe, Hom but jem at a he ka hnyi umâm uma, me me ûkhanöhmumköu thö.

Owisa 19:6

Me ödru me laba me tha han me tha ic: ke haba kamen momo ame ha ka at, ka habe, Ö u me laba ju me mokut, me me he ka senyin hnyekom.

Owisa 19:9

Me ame todrö at he ka he me anyin momo me athnyabainy, me ame ha kâu ûngon a kamen momo, ka habe, Wâ bi ame he but ang ka dit seûno, ö u mokut hmetu ju: wâ bi a he but ka lit ut, mokut ju eang, me me he hnyekom ka senyin; ke öbun e he ka vesâkong me he me o ka hnyi hnyabam.

Rutha 3:7

Ke a hia but Boaza han me ic, ke ame senyin hnyekon, me e ame he ka mokut hnyi baten hna khon bali: me momo ame he hmecik, me hai kubö huyi li can, me mokut ju.

I. Samuela 18:22

Ke Saulo ame hûna ka lathnyabainy, ka habe, Ûhnenamö duöng ju me Davita, me ha, ka habe, Wâ bi, than ame weny u, kʼ ame betenge gam lathnyabainy hia: ke u me he ka ûngon than walang ang.

I. Samuela 28:10

Ke Saulo ame khemanyin kâu ga Iehova, ka habe, Kia inya Iehova ae ba ûnyi ae kong ame he ka o köu can ûnyi ang.

I. Samuela 28:13

Ke ame ha kâu than, ka habe, U ma ca ot: ke ieû ke ûnyi u je wâ? ke haingen momo kö Saulo, ka habe, Oge wâ ke khong ame o ûheny hnyi kânâ.