II. Samuela 13:22 - Iaai Bible 1901 (New Caledonia)

²² Ke Abasoloma ame ca fuc kö Aminona, ame ne ûnyi ae kong ame ne ûnyi ae so: anyin a Abasoloma ame ikikiö Aminona, can e ame okongu Tamara a haniny.

II. Samuela 13:22 ပူးပေါင်းရင်းမြစ်များ

Genese 24:50

Me ame thu Labana me Bethuela, ka habe, Unyi ga Iehova ûnyi eang: e ca khanʼ öhmu he ka ha köu kong me so.

Genese 31:24

Ke Khong ame o but kö Labana at Suria hnyi bwi hnyi hnyinghet, me ha kâu, ka habe, Wâ eâu kʼ u he thö ka ha kö Jekob so me kong.

Genese 31:29

E hu manik; man he ka okongu öbun: ke a ha könya: hnen Khongon kamöbun et hnyinghet, ka habe, Wâ eâu, kʼ u he thö ka ba kö Jekob so me kong.

II. Samuela 13:21

Ke a long ut Davita je ûnyi hia eling, me e ame gan hmonyin.

Ta je Vejec 10:18

Haba at ame oiyongâ ûöhûköti, me ame thoi hnyimen; Ke haba at bifuco, me wale at ae monu.

Ta je Vejec 25:9

Ka ivino thö hobi köu bi me at ame laba hakekenyi u, Ke ca omanenâ ûnyi ae iyong ge ke at:

Ta je Vejec 26:24

Haba at ame ûöhûköti, e ame iyawo hnen li esongodiny, Me ip tang iyawo hnyi hnyekon:

Ta je Vejec 26:26

Eja ke ne a ne khavâ anyin ûöhûköti ge iyawo, Ame he ka manen hwakecin ae kong hnyi ûkhacaköu.

At Khet 7:9

Ca logot hnyekom he ka hmonyin, anyin a haba hnyekon at ae monu, me wale hnyaban hmonyin.

Mataio 18:15

Ke a ne monu köu kem, he thö ka omamenâ kâu anyin monu ke hake öbu ke: a ne ling u, öbu me he bi ka liamekeiny hmetu.

Efeso 4:26

Hmonyin dö, ke ca monu bi: ke so e ca he bi seûno ka dit, kʼ öbun tiga hmonyin:

Efeso 4:31

Ûsâkâûö but öbun me hofuc hia ae hiny, me û, me hmonyin, me hwan ae hwege, me haikongoâ, me hnyok ae kong hia:

I. Ioane 2:11

Ke haba at ame hûkotiâ liamekeiny më, e bala hnyi lit, kʼ ame he hnyi lit, ke ca khana hnen hna he ka hnyin, anyin ame owadruâ li emakan hnen lit.

I. Ioane 2:9

Haba at ame ha, ka habe, e but hnyi melam, ke ame hûkotiâ bi liamekeiny më, awe, e bala bi hnyi lit ke ne o but walang ang.

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.

I. Ioane 3:12

ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.

I. Ioane 3:15

Haba at ame hûkotiâ liamekeiny më, me e thibi at ûhlingö; ke e khanʼ öbun dut a haba at ûhlingö, me ba bi möt ame ca ba balua eû hnyi hnyekon.