II. Samuela 13:12 - Iaai Bible 1901 (New Caledonia)

¹² Me e ame ha kâu, ka habe, Ohe, hanik, u me ca be ka okongu nya; anyin adra me ca ânyâ helâe hnyi Isaraela: u me ca he ka ânyâ monu ang.

II. Samuela 13:12 ပူးပေါင်းရင်းမြစ်များ

Genese 34:2

Ke ame wâ e hnö Sekema, nöku Hamora at Hivi, ke thaniny hnyei, me e ame hom e, me tha laba më, me okongoâ.

Genese 34:7

Ke ame o but ta je laku Jekob ûnyi hnyi hnyei hnyi ûen ödrin e löng e: ke a vec ut hnyekudrin, ke gan hmâ anyidrin hmönyin anyin a e ame ânyâ monu hnyi Isaraela, waleji ame tha laba me nöku Jekob; ke wale ûnyi ae kap he ka ânyâ.

Ta je Vejec 7:7

Me oge me wâ unyin tavat ae ba hnyekudra, Ke wâ bi eû unyin je thoth Ke hidröu ae ba hnyekon,

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Levitiko 18:11

U me ca he ka hai hnamejin nokon âiân kâmâm a hlu, a hnokoâ hnen kâmâm, hânâm e.

Levitiko 18:9

U me ca he ka hai hnamejin mânyâm, nokon kâmâm a hlu, ame nokon hinyâm adre hnokoâ hnyi hnyaba, kʼ adre me ne hnokoâ hnyi ke hnyaba.

Levitiko 20:17

Ke ame ne he ke baga ka hok haniny, ame ne nokon kamen, ame ne nokon hinyen, me ödru me ûwâköuâ ûhethuidru; me wale ûnyi ae ikiki; ke adre me he ka tha subâ degeci ödru hnyi hnyimakan aten idru hnyei: e a hia but hai hnamejin haniny; ame he ka takoû e hnen anyin hulö.

Deuteronomi 22:21

me ödrin e he ka hom hlu kâ û ka hnyi hwanumen uma umen kamen, ke ame he aten anyin taun ka luâ e ge veto, me me mokcu: anyin a e ame ânyâ monu hnyi Isaraela, kʼ ame bi ûnyi monu hnyi hnyaban kamen: ke helâe u me he ka ohia hulö unyâm.

Deuteronomi 22:29

me hamen baga at ame tha mokut mē ka ham ka kamen hlu je sileva a fifte, me ame he ka âiân bi anyin a e ame okongoâ; e ame ca he ka degec e hnyi bongon ta je bong hia.

Owisa 19:23

Ke ame didrut ködrin at, wale ae tren uma, me ha ködrin, ka habe, Ohe, je liamekeiny mönya, ö öbun ca ânyâ bi ûnyi ae kong eling; anyin a o but at ang ka hnyi umök uma, ca he ka ânyâ ûnyi eang ae kong.

Owisa 20:6

Me oge me hom anyik momo, me susubâ, me kunâ e ka hnyi je hnyei hia iny at Isaraela: anyin a ödrin e ânyâ ûnyi ae ikiki me monu hnyi Isaraela.