II. Samuela 12:20 - Iaai Bible 1901 (New Caledonia)

²⁰ Me haba Davita ame todrö ûheny hnyi kânâ, me soû, me hû ge wakaco, me khavâ ke je ûkhaûen; me o ka hnyi uma umo Iehova, me khudrung: me e ame he ka hnyi umen uma; ke e ame hûna ködrin, me ödrin e ip jeû hnyi hnyimakan, me e ame han.

II. Samuela 12:20 ပူးပေါင်းရင်းမြစ်များ

II. Samuela 12:19

Ke Davida ame wâ a gʼ ame iulitköu lathnyabainy, me Davita ame wâhmakhmeto a ga mokcu wanakat: ke haingö Davita ka lathnyabainy, ka habe, Hawa, a mokcu wanakat? Me haingödrin, ka habe, A mokcu.

II. Samuela 12:21

Me ame ha kâu lathnyabainy, ka habe, Ieû ûnyi ang u je ânyâ? a u je ca han kʼ u tengiâ wanakat ke tiga möt; ke a mokcu wanakat, me u me todrö me han.

II. Samuela 14:2

Ke Joab ame ûkhûnöng Tekoa ai, me hawâ ke momo ae metâ, me ha kâu, ka habe, Ö u me he ka tenge thoi, me khavâ je ûkhaûen hnyamok, kʼ u me ca he ka sûö wakaco, kʼ u me he ka helâ me momo ame tenge beû can at a mokcu:

II. Samuela 19:24

Ke haba Mefiboseth nöku Saulo ame utut he ka ûkhanö me than; ke a ca hneû li can, me ânyâwia wainy, me hneû anyin je ûkhaû, hwân hnyi bong ame he than ke ne o but e ame o hmetu me hnahic.

II. Samuela 6:17

Ke ödrin e odilâ tang tangö Iehova, me ip e hnyi hnen hnyi wanben uma mano wale ame otilâ Davita hobi kâu: ke Davita amo hudo je hudiny leû me je hudiny ole hnyi hnyimakö Iehova.

II. Samuela 7:18

Haba Davita than ame didro me laba ju hnyi hnyimakö Iehova; me haingen, ka habe, Iny ia Than Iehova, ke ieû anyik lap mʼ u je hum nya ke ne o but walang ang?

Jobu 1:20

Haba Jobu ame todrö me kia but anyin ûkhaû, me giâ ban, me ta ju hnyikânâi me khudrung;

Jobu 2:10

Me haingen ka momo, ka habe, E ûcû ifucâm me ifucin ke momo ae monu. Hawa? ate me he ka kap so ûnyi ge Khong, ke ate me ca he minya bi he ka kap ûnyi ae kong? Haba hnyi ta je ûnyi hia thithö eling a ca monu bi Jobu hnen li esongodiny.

Salamo 103:1

HANUK lö, haisoi Iehova thö; Ke so he kâ haisoâ ien ae kap ge ta je ûnyi hia eû hnyi hnyekuk.

Salamo 103:8

E unöngötö Iehova ge ibetengiö me betenge ae menyik, Ke bec he ka hmonyin, ke gan hmâ anyin betenge.

Salamo 39:9

Oge me hum but, oge me ca khong hnyimök; Anyin a u thibi at a ânyâ.

Salamo 95:6

Ai öbun, e so ate me he ka khudrung ju me nom; Ate me he ka cibouca hnyi hnyimakö Iehova at a up ota:

Ta je Vejec 3:7

Ca oûnyihnathoâ ânyâm bi metâ; Ot ju ga Iehova, me kec do ge hulo:

At Khet 9:8

E so e hau bala je khaûâm; ke ca he ka hia wakaco hnyi hon bâm.

Mataio 6:17

Ke haba u, u ka he ka ânyâ ca han, hneû but bâm, ke ânyâwia hnyimâkâm;

Luka 7:46

U je ca hû bök ge wakaco: ke a hia but momo hû li cak ge muro.

Rutha 3:3

He thö ka soû, me suö wakaco, me khavâ ânyâm je ûkhaû, ke he thö ka hnyi hna huje hwit: ke u me ca he ka omanenö u bi ka at, ke ne o but e ame um dö han me ic.

I. Samuela 15:25

Ö u hna but walang ang anyik hulö, me tha hmetu mönya, me inye he ka khudrung kö Iehova.

I. Samuela 15:31

Me Samuela ame hmetu hotu Saulo; ke Saulo ame khudrung kö Iehova.