II. Samuela 12:17 - Iaai Bible 1901 (New Caledonia)

¹⁷ Ke ame todrö je hingatiny hnyaban unyin, he ka kap e ûnyi hnyi kânâ: ke e ame höcö, ke e ame ca hnyi tha han mödrin.

II. Samuela 12:17 ပူးပေါင်းရင်းမြစ်များ

Genese 24:2

Ke Aberahama ame ha ka athnyabainy, a hingatiny hnyaba, at ame musö anyin ta je ûnyi hia, ka habe, Inâ ju hnyamâm hmelen jevak:

Genese 37:35

Ke ame todrö je lakon hia je baga me hlu he ka otubwelâ e; ke e höcö tubwet, ke haingen, ka habe, Oge me he ka tenge can nökuk ke ne o but ka hnyi erkemok. Wale hna tengiâ e hnen kamen.

II. Samuela 12:18

Ke ame mokcu wanakat hnyi bong a seveniny. Ke e ot, lathnyabai Davita he ka thumeto e a ga mokcu wanakat: anyin a haingödrin, ka habe, Wâ bi, otin e fuc kâu ke tiga möt wanakat, me e ame ca long hötin: ke hawa anyin vec walang ang, otin e ne ba kâu, ka habe, A mokcu wanakat?

II. Samuela 3:35

Ke ame o but tavat biâ ka kunö Davita ka han falawa e me tiga lany; ke Davita ame khemanyin, me ha, ka habe, Hamen Khong he ka ânyâ helâe könya me bi hanen minya, oge ne kâlâ falawa, ame ne ke jeû bi, e ka tiga ca dit bi seûnö.

Salamo 102:4

Ame kot ut me meleca hnyekuk helâ me hnaonying; Ke oge me hnying ut he ka an ök jeû.

Daniela 6:18

Me ame he than ka hnyi umen uma, kʼ ame ca han hnyi lit; kʼ adre me ca hom ta je ûnyikhumöng ka hnyi hnyimakan: ke e ame ca mokut.

I. Samuela 28:23

Ke e ame höcö me ha, ka habe, Oge me ca he ka han. Me ame ûjengö e li lathnyabainy me momo; me e ame ling ödrin. Me e ame tot ûheny hnyi kânâ me laba hon hnamokut.