II. Samuela 11:11 - Iaai Bible 1901 (New Caledonia)

¹¹ Haba Uria ame ha kö Davita, ka habe, Ame laba tang hnyi je uma menâ, me Isaraela, me Juda; ke Joab a, tuhok, me lathnyabainy tuhok, ödrin e hunuma hnyi hnyei; ke hawa oge me he ka he ka hnyi umök uma he ka han me ic me tha mokut me öiök? kia inya u, ke kia inya hanom, a oge me ca he ka ânyâ ûnyi eling.

II. Samuela 11:11 ပူးပေါင်းရင်းမြစ်များ

II. Samuela 11:10

Ke ödrin e hia but thumetu Davita, ka habe, A ca he bi Uria ka hnyi umen uma, me haba Davita ame ha kö Uria, ka habe, U je ca o bi ûhem hnyi hna he? ieû u je ca he gan ka hnyi umâm uma?

II. Samuela 14:19

Me ame ha than, ka habe, ca tha u me Joab hnyi ûnyi ang? Me ame thu momo, ka habe, kia inya u than a tuhok a gʼ ame ca khana ke at he ka saû ka hnyi ke keihen metâ me me, ûnyi hnyi hna ha hia hnen than a tuhok: anyin a Joab, athnyabaem, e bi a hûna könya, me ip ta je hofuc hia eling hnyin hnyimök a athnyabaem:

II. Samuela 20:6

Haba Davita ame ha kö Abisai, ka habe, Ame he walang ang Seba nöku Bikeri ka okongu otin hu Abasoloma: he thö ka hom lathnyabainy tuhâm, me hnu e, wâ e nye hu gan je taun adre bi haginy ge veto, me kec gatin.

II. Samuela 7:2

me haba than ame ha kö Nathana perofeta, ka habe, Wa bi inya oge me laba hnyi uma arasi, ke haba tang tangen Khong ame laba hnyi wanben je tubwiny mano.

II. Samuela 7:6

Anyin oge me ca laba eiö hnyin uma hwân hnyi bong oge me hom jem hnyin lakon Isaraela ûheny Aigupito keneo but hnyi bong ang; ke oge me hia but laba hnyi uma mano ame ne uma menâ.

Numera 32:6

Ke Mose ame thu ka laku Gada me laku Reubena, ka habe, Hawa, ame he je liamekeiny möbun ka vat e helë, ke öbun e he biju ka laba eang?

Ioane 13:14

Oge ne Than me At ûne, ke oge hia but osûâ je li cabun, me ûcû köbun he ka ûösûâköuâ je li cabun.

II. Timoteo 2:12

ke ate ne hok hnyok, me ate me he ka tha than më: ke ate ne ivinoâ, me e ame he bi ka ivinʼ öta:

I. Samuela 1:26

Ke haingen momo, ka habe, Than lö, u möt tuhok, he inya ang momo waleji at ame tot unyâm eang me hic kö Iehova.

I. Samuela 14:18

Me haba Saulo ame ha kö Ahia, ka habe, Hom but jem tang tangen Khong. Anyin a e unyin lakon Isaraela tang tangen Khong hnyi ûen e.

I. Samuela 17:55

Ke hnyi ûen Saulo ame ô Davita ame he ka ûkhanö me at Filisiti, me e ame ba kö Abinera taben anyin vat, ka habe, Abinera lö, nöku ia hidröu e? Haingö Abinera, ka habe, Kia inya than ae ca khanö nya.

I. Samuela 20:3

Me Davita ame khemanyin, me ha, ka habe, E khana wia kâmâm a u me betenge gak; me haingen, ka habe, E so Jonathana ame ca long e, wâ e nye vec ut: ke kia inya Iehova, ke kia inya u, a e okhaca biju okca me oge me he ka mok.

I. Samuela 25:26

Ke walang ang tuhok, kia inya Iehova, me kia inya u, anyin a Iehova ame thawo u, me u me ca he ka hingâlâ monoâ dra, me bi hwaban hobi köu ge hing hnyamâm, ke walang e so e helâ Nabala je iwahnaihmiöny mou, me tavat ödrin e elâm ûnyi ae kong hobi kâu tuhok.

I. Samuela 4:4

Me ame ûkhûnöng tavat Silo ai he ka hom ûheny e tangen ûhihinyköu anyi Iehova tuhan sabaoth, at ame laba wanben li kerubi: ke li laku Eli eling, jia Hofeni me Fineasa, unyin tangen ûhihinyköu anyin Khong.