II. Samuela 11:1 - Iaai Bible 1901 (New Caledonia)

¹ KE ame o hmetu but huna a ûen ame labö he je than he ka vat hnyin, me haba Davita ame kunö Joab me lakeiny unyin, me Isaraela hia; ke ödrin e ohia lakon Amona me thelöng Raba. Ke Davita ame laba hnyi Jerusalema.

II. Samuela 11:1 ပူးပေါင်းရင်းမြစ်များ

II. Samuela 10:14

Ke a wâ but laku Amona a ga kec dö at Suria, me ödrin e kec minya ga Abisai, me dit hnyi taun. Ke Joab ame hmetu ûheny hnyi hna hnu laku Amona, me he Jerusalema ai.

I. Je Than 20:22

Ke ame he hakekeny but perofeta ka than Isaraela me ha kâu, ka habe, He thö, hwege thö, ke wâhmakhmeto thö ûnyi u me ânyâ: anyin a e ka huna but me ame he ka o hmetu köu than Suria.

I. Je Than 20:26

Ke a huna but, me haba Ben-adada ame hawâ at Suria, me be Afeka ai he ka vat me at Isaraela.

I. Man Ûlabainy Je Than. 20:1

KE ame o hmetu but huna, ûen he ka he but je than ka vat, me haba Joab ame lelö maniny utbavat, me oba wan hnyei iny lakon Amona, me o me igigilo Raba. Ke Davita ame laba biju hnyi Jerusalema. Ke haba Joab ame kot Roba me ohia e.

II. Man Ûlabainy Je Than. 36:10

Kʼ a o hmetu huna, haba Nebukaneza a than ame ûkhûnöng, me adre me hom e Babulona ai, tha e me ta je kaiainy uma umö Iehova, me otilö Zedekia, liamekeiny me Jehoiakin hnân thaniny Juda me Jerusalema.

Salamo 60:9

Ie at ame he ka hum nya ka hnyi taun ae hwege? Ia hia but lili nya Edoma ai?

At Khet 3:8

ûen betenge, me ûen hûkotiâ; ûen vat, me ûen ûsoköu.

Jeremia 49:2

Anyin a wale, wâ bi, ame he ka o je bong, haingö Iehova, me oge me he ka olungâ hnyi Raba iny lakon Amona hwan vat; me e ame he ka hna digic thatûnyi ae ba onyen, kʼ adre me he ka thong degecâ ge meic lakon wahlu: kʼ ame he Isaraela ka hom iny tavat waleji adre me hom iny, haingö Iehova.

Jeremia 49:3

Kuku tenge thö, Hesebona, anyin ae kong ut Ai; hongot dö goranyai wahlu laku Raba, oweikʼ öbun ju ge ec mano ae gan nân: tenge thungaû thö, me he monu hnyi je hak; anyin ame he ka bâ Malekama, tha e me anyin tavat bihut, me anyin ta je taben.

Ezekiela 21:20

U me he ka kû gethen me me o hele vat hnyi Raba anyin je laku Amona, me ka hnyi Juda hnyi Jerusalema adre up haginy.

Amosa 1:14

ke oge me he ka hû meic hnyi hna up haginy Raba, ke e ame he ka thong degecâ je uma umen than hnyin e, me kuku hwege hnyi bonginy vat, me weneû hnyi bonginy hou:

Zakaria 14:3

Ke haba Iehova ame he ka he but, me vat me je hnyei eling, helâji me hnen hna vat hnyi bonginy vat.

Deuteronomi 3:11

(Anyin a haba Oga thaniny Basana, me hake e thibi kolon at Refai; wâ bi, haba hnen hna mokut, me fao; hawa ca e hnyi Raba taun anyin laku Amona? haba ibeûen e me nain ta kubit, ke foa kubit ûlauen, hoton kubitiny at.)

I. Samuela 18:30

Ke ame he but je thaniny at Filisiti: ke hwân hnyi ûen ödrin e he but, me Davita ame ânyâ metâ hon lathnyabai Saulo; me ame lung gan hmâ ien.