II. Samuela 10:12 - Iaai Bible 1901 (New Caledonia)

¹² Hwege thö, ke so otu me hnyok baga thö hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so kâu.

II. Samuela 10:12 ပူးပေါင်းရင်းမြစ်များ

II. Samuela 10:11

Ke haingen, ka habe, A ne hwege huk at Snria u me he ka hadruo nya; ke ame ne hwege hom laku Amona, me oge me he bi nya ka hadruo u.

II. Samuela 15:26

ke ame ne ha, ka habe, Oge me ca senyin gam; awe walönya ang, hamen he ka ânyâ könya unyi ae so hnyi hnyimakan.

I. Man Ûlabainy Je Than. 19:13

Hwege ju, ke hnyok baga but hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so hnyi hnyimakan.

II. Man Ûlabainy Je Than. 32:7

Hwege thʼ öbun, me hnyok baga but, ca ot bi, ke ca öbubuny bi ge than Asuria, me tavat ae se hia unyin: anyin ae se hia gatin, ke wakhalet bi unyin:

Nehemia 4:14

Me oge me wâ, me tot, me ha ka je than me hnyat musi, me je kolon tavat, ka habe, Ca he öbun ka outʼ odrin: ûnykûme ju ka Than, at ae gan me hnân outen, ke he thʼ öbun ka vat hobi kâu je liamekeiny möbun, me lakubun obaga me wahlu, me laöiöbun me umöbun je uma.

Nehemia 4:8

me ödrin e tha ip hnân, ödrin hia be ka vat hnyi Jerusalema, mʼ adre me ovheli ödrin eling.

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Numera 13:20

ke ehö kânâ, ame ne pipikhenya ame ne delâ, ame ne hu je ûö, ame ne ba. Ke hwege thʼ öbun, ke öbun e he ka hom jem hanen jeûiny kânâ. Haba ûen eling, me ûen wan vine a bân.

I. Korinito 16:13

Hmâkâ thʼ öbun, tethmâ ju hnyi labageju, hnyok baga thö, hwege thö.

Deuteronomi 31:6

Hwege thʼ öbun me hnyok baga but, ca ot bi, ke ca öbubuny bi gadra: anyin a Iehova Khongom me e at ame tha he möu; e ame ca he ka hia unyâm, me hna degeci u.

Deuteronomi 31:7

Ke Mose ame hawo Josua me ha kâu hnyi hnyimakan at Isaraela hia, ka habe, Hwege thö, me hnyok baga but, anyin a u me he ka hom tavat eang ka hnyi hnyei waleji a khemanyin Iehova ka lakamödra, he ka ham ködra; ke u me he ka ohuâ e ködra.

Heberu 11:33

waleji tavat adre me hom hwenbâ je dokhu ge labageju, me mâdrâ hwakecin ae wisa, me hu ta je hna ha bânâ, me hlöng ta je hnyimen liona,

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?

Josua 1:18

Ke haba at ame he ka ûkhin fuc ge ânyâm hnanyibu, me ca long hwâm hofuc hnyi ta je ûnyi hia a me he ka hûna kâu, me adre me he ka hlingâ e: ke so bi hwege thö, me hnyok baga but.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Owisa 10:15

Haba lakon Isaraela ödrin e ha kö Iehova, ka habe, Ohmun e ânyâ hwakecin ae kong, hamâm he ka ânyâ hia kohmun ûnyi ae so köu; ke so bi ö u omeli ohmun thibi hnyi bong ang.

I. Samuela 14:12

Me ame thu aten lap tue kö Jonathana me at ame hom tilâ omjehen vat, ka habe, Ölö thʼ öbu kohmun, me ohmun e he ka omanenâ köbu ke ûnyi. Haba Jonathana ame ha ka at hom tilâ omjehen vat, ka habe, Ölö thö hotuk: anyin a hia but Iehova hnʼ ödrin ka hnyi hnyamen at Isaraela.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 17:32

Ke Davita ame ha kö Saulo, ka habe, Ca he ke at ka ot gan; haba inya athnyabaem oge me he ka vat me at Filisiti ang.

I. Samuela 3:18

Ke Samuela ame thumeto ge ta je ûnyi hia, ke ame ca ikhâlâ gan khaca. Ke haingen, ka habe, E bi Iehova, hamen he ka ânyâ ûnyi ae so hnyi hnyimakan.

I. Samuela 4:9

E, öbun at Filisiti lö, hwege thʼ öbun, hnyok baga thö, wâ adre nye thaluʼ öbun ge at Heberu, helâ me hnobun hna thaluʼ ödrin: hnyok bagâ thʼ öbun, me vat.