II. Samuela 1:20 - Iaai Bible 1901 (New Caledonia)

²⁰ Ca he ka thumetoâ hnyi Gatha, Ca he ka khetâ e hnyi je getheniny Asekelona; Wâ e nye senyin wahlu lakon at Filisiti, Wâ e nye hobâ wahlu lakon tavat adre ca peritomonâ.

II. Samuela 1:20 ပူးပေါင်းရင်းမြစ်များ

Ezekiela 16:27

Anyin a wale wâ bi, oge hia but hai hnyamok hom, me oûnyûkongoâ âm jeû, me hnö u ka hnyi weny tavat adre me hûkötiö u, je wahluiny Filisiti tavat adre me hmehma ge je hwakecâm ae ikiki.

Ezekiela 16:57

ödra ka tiga ca omanenâ ânyâm hulo, helâ me ûen hna haikongo hnen wahlu laku Suria, mʼ ödra hia thithö igigilo e, wahlu lakon at Filisiti, hnyat adre me hûkotiâ u igigilo.

Mika 1:10

Ca he bi ka ha hnyi Gatha, ke ca tenge bi: oge hia but seset hnyi kânâ hnyi Bethe-le-Afera.

Owisa 11:34

Ke ame o thö Jefetha hnyi Mizepa ka hnyi hnyaban, me wâ bi, ame o thö nokon hlu he ka ukhanö mē, me je bwinybet me bibiâ: ke hake e thibi nokon, ke ba hmetu nokon baga me hlu.

Owisa 14:19

Me ame ut hwege hanu Iehova ka hnyi hon, me e ame he Asekelona ai, me kot eling hnyat a thöte me sei ödrin, me ham ka hnyat ödrin e omanenâ hûkehmuen je bwiny khaû. Ke ame ubâhlâ thö anyin hmönyin me e ame he ka hnyi hnyaban kamen.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 17:36

Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.

I. Samuela 18:6

Ke hnyi ûen adre me o, wale Davita ame hmetu ûheny hnyi hna kot at Filisiti, me ame he omomo ûnyi hnyi ta je taun hia hnyi Isaraela, kʼ ödrin e khumöng ma bibiâ he ka ûkhanö me Saulo, me je bwinybet, me senyin, me je ûnyi khumöng.

I. Samuela 31:4

Me Saulo ame ba ka at ame hom tilâ anyin ta je ûnyi vat, ka habe, Oc ut ânyâm hele vat me dâoi nya kâu; wâ e nye o but tavat adre ca peritomonâ me dâoi nya, me okongu nya. Ke ame höcö at ame hom tilâ anyin je ûnyi vat; anyin ae gan hmâ anyin ot. Me haba Saulo ame hom hele vat me hamen ta takoû e.

I. Samuela 6:17

Ke walang je ohuc gol a ham at Filisiti hnân hudiny hulö kö Iehova; khaca ûnyi ge Asedoda, khaca ûnyi ge Gaza, khaca ûnyi ge Asekelona, khaca ûnyi ge Gatha, khaca ûnyi ge Ekerona;