II. Peteru 3:7 - Iaai Bible 1901 (New Caledonia)

⁷ ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.

II. Peteru 3:7 ပူးပေါင်းရင်းမြစ်များ

Salamo 102:26

Ame he ka hia ta je ûnyi e, ke u tethmâ balua bi; Eke, ame he ta je ûnyi e hia ka amam helâ me ûkhaû; U me he ka wia e helâ me ûkhaû, mʼ adre me ke bongon bi:

Salamo 50:3

Ame he ka o but Khonguta, kʼ ame ca he ka laba hnyibû: Ame he meic ka han hnyi hnyimakan, Ame he ka igigilo e weneû ae gan hma.

Isaia 51:6

Bwele thö goranyai ka hnyi drany, ke wâ ju hmeledrany eû: anyin ame he ka didrut drany helâ me hai, kʼ ame he ka amam hmeledrany helâ me ûkhaû, kʼ ame he tavat adre me! labā e ka mok helâe: ke ame he ka e balua bi anyik ûhomeli, kʼ adre me ca he ka ohia hwakecik ae wisa.

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Daniela 7:9

Inya oge me wâ ke ne o but adre otilâ je theron, ke ame laba hon ke hingat at kâû adrem: e hau anyin ûkhaû helâ me kiona, ke helâ me leûnen mamoe ae so leûnen ban, ke helâ me bâhlân meic anyin theron, ke helâ me meic ame hlâ je waengen.

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 10:15

E hnathu, inya oge me ha köbun, ka habe, Ame he ka hâhâ ka hnyei Sodoma me Gomora hnyi bong owisa hon taun eling.

Mataio 11:22

Ke so bi, inya oge me ha köbun, ame he bi ka hâhâ ka Turo me Sidona hubun hnyi bong owisa.

Mataio 11:24

Ke inya oge me ha köbun, ka habe, Ame he ka hâhâ ka hnyei Sodoma hom bi hnyi bong owisa.

Mataio 12:36

Ke inya oge me ha köbun, a haba ta je hofuc baû hia ame ha hnen at, me adre me he ka ha hmetu hnyi bong owisa.

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Mareko 6:11

Ke haba dok ame ca he ka kop öbun, kʼ adre me ca ling öbun, öbun ka he but ûheny e jijingâ but kânâiny hnyeûcabun me hnân haten kodra.

Ioane 12:48

Haba at ame digic nya, kʼ ame ca kap bi hok hofuc, me hu bi at ame owisa kâu: haba hofuc, waleji oge me ha, me wale at ame he ka owisa kâu hnyi bong a obiny.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

I. Korinito 3:13

me ame he ka ve manen dut huliwa anyin at: anyin a hamen bong he ka omanenâ bi, kʼ adre me he ka omanenâ e hnen meic; ke hamen meic he ka ve cubic huliwa anyin at me me manen dut bongon.

Filipi 1:28

ke ca outen bi ta je iwahnaihmiöny: wale a ke ûnyi hnân haten hnaûhango, ke haten bi möt köbun, a ûnyi ge Khong e;

II. Thesalonika. 2:3

ca he ke at ka iyâwʼ öbun bi ge ke ûnyi: anyin ame ca he ka o bong eling, e ka ca bân ka o kolu but a tavat, me adre me he ka omanenâ but aten hulo, wale aten hnaûhango,

I. Timoteo 6:9

Ke haba tavat adre me wedra he ka tren omjeû adre me ta but ka hnyi ûcûbic me hnewe me ta je weny ae monu me hnân okongo, wale hnân odilâ tavat hnyi ûohia me hnaûhango.

Heberu 12:29

anyin a haba Khonguta, me meic ame han hmonyin.

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

II. Peteru 3:12

me tavat halubahingen me webun he ka o but bong bongon Khong, wale ame he ka thong drany me me he ka oköiâ e, ke ame be ka köiö but ge kahwa ae gan hmâ ta je ûnyi hia thithö?

I. Ioane 4:17

Hnen thibi ang adre me obekhotâ ibetengiö unyita, mʼ ate me he ka hu hnyok ae hwege hnyi bong owisa: anyin a öta tha ûcû më eang hmeledrany.

Juda 1:7

Helâ me Sodoma me Gomora me je taun igigilo adre me tha hwakecidra me bi ûnyi monu, kʼ adre me hnu hoton ke je unyin bi, me adre me ip ödra hnân haten, kʼ adre me hângʼ ödra ka hnyi meic ame ca he bi ka mok.

Hna Omanenâ 17:11

Ke haba meno a ka e bi ehac, ke ba bi walang, wale at a ka eitiny ke hanen hnyat a seven; ke e ame he ka he ka hnyi hnaûhango.

Hna Omanenâ 17:8

Haba meno u me wâ, me, ka e bi ehac, ke ba bi walang ang; ke e ame he ka ölö ûheny eû hnyi hmonop ae dit hmonyin me he but ka hnyi hnaûhango. Ke ame he ka lâiâ hnen tavat adre me laba hnyi hmeledrany, tavat adre me ca hia but set je iödra hnyi tusiny möt hwân hnyi hna bi taben hmeledrany, ödra ka wâ meno, a e bi ehac, ke ba bi walang ang, kʼ ame he ka o.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.

Hna Omanenâ 21:1

KE oge me wâ drany a teb ûnyi me hmeledrany a teb ûnyi: anyin a hia but drany a bân me hmeledrany a bân; ke ba hmetu bi köiö.