II. Peteru 3:16 - Iaai Bible 1901 (New Caledonia)

¹⁶ ke helâe hnyi anyin ta je tusi ame ha hnyin ta je ûnyi e; ke wale thibi e ke je hofuc ae hmak he ka wâ tremângâ, adre wia hnen tavat adre ca nâ me tavat loloâ, helâe minya ke je hna sihnalimen, mʼ adre me ka ohnaûhangʼ ödra bi.

II. Peteru 3:16 ပူးပေါင်းရင်းမြစ်များ

Genese 49:4

U me bwebwet helâ me köiö, kʼ u me ca he ka beönua; Anyin a u je ölö ka hnyi hnamokut hnen kâmâm; Me okongoâ: e ame he ka hnyi hnök hnamokut.

I. Je Than 10:1

KA long ut momo than Sheba lung anyi Solomona hnyi iö Iehova, me e ame o but he ka cubec ge je hofuc ae iyong.

Salamo 56:5

Adre me labö wia hok hofuc hnyi je bong hia: Hnân okongu nya je ûnykûmenödra hia.

Esodo 23:2

U ca he ka hnu hoton tavat ae se he ka ânyâ monu; ke u ca he ka fuc hnyi ivinö he ka tha hien me tavat ae se hia adre me ohnathoâ thoi;

Esodo 23:6

U ca he ka ohwalö hna owisa ka liamewaeny möu ae ba ta ûnyi, hnyi anyin ivinö.

Jeremia 23:36

Ke ca he hmetu öbun ka ha hok ûnyi ga Iehova: anyin a haba ve ifucin tavat wale honödra bi je hok; anyin a öbun e hia but ohavâ hofuc hwan Khong ae mot, Iehova tuhan sabaoth Khonguta.

Habakuka 1:4

Anyin a wale adre me oûnyibâûâ hnanyibu, ke ame ca he but hna owisa bala ka hwâdâ; anyin a tavat ae kong adre me igigilo tavat ae wisa; anyin a wale ame he but hna owisa ae hwali.

Mataio 15:3

Me e ame thu me ha ködrin ka habe, Ieû gabun öbun e hanyâûâ minya hnanyibu anyin Khong ge hnobun hna ûne?

Mataio 15:6

e ame ca he ka ogânâ kamen. Me öbun e ohavâ hofuc hwan Khong ge anyibun je hna ûne.

Mataio 22:29

Haba Iesu ame thu me ha ködrin, ka habe, Öbun e ûnykûme hwalö but, ke ca khanʼ öbun hna sihnalimen, me man maniny Khong.

Deuteronomi 16:19

U me ca he ka ohwalö hna owisa; ke u me ca he ka wâhmakhmetoâ at bi: ke u me ca he ka kap bwihlany; anyin a haba bwihlany, me wale at ame omûko tavat ae metâ, me ohavâ hofuc hwan tavat ae wisa.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

Heberu 5:11

E hu but gahmun ta je hofuc ae se hia he ka hâiâ e, ke hmak bi he ka ha bongon, anyin a öbun bec ka löng.

Iakobo 1:8

e at ame lolo hnyok, kʼ ame okokok hnyi deny ta je gethen hia thithö.

I. Peteru 1:1

INYA Peteru aposetolo anyi Iesu Keriso, oge me sihnalimen ka ta je atkanyua adre me ve se ka hnyi Poneto, me Galatia, me Kapadokia, me Asia, me Bithunia,

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.

II. Peteru 2:14

a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

II. Peteru 3:2

mʼ öbun e he ka ûnykûme thö ta je hofuc a bân hwan ta je perofeta ae kap, me hnanyibu anyin Than At ûhomeli a deny anyibun ta je aposetolo:

Juda 1:4

Anyin ame dit duöug keihen, a hnyat adre ip ehac hnân hobi kâu hnaûhango eang, hnyat adre me ca outen Khong, kʼ adre me wia ibetengiö baû anyin Khong ka hnyi hwakecin ae ikiki, kʼ adre me ivinöâ Tuhöta a khaca a Than Iesu Keriso.