II. Peteru 3:15 - Iaai Bible 1901 (New Caledonia)

¹⁵ Ke ûnykûme ju öbun a haba hok hnyok beû hmâ anyin Tuhöta me wale möt, helâ me hna sihnalimen köbun ga Paulo liamekeiny mʼ öta a oûnykûmita, hoton metâ adre ham kâu;

II. Peteru 3:15 ပူးပေါင်းရင်းမြစ်များ

I. Je Than 3:12

awe, oge hia but ânyâ helâ me hnâm hna ha: me wâ bi, oge hia but ham köu hnyok ae metâ me wahmakhmeto; ke ba ke at a helâ möu ehac, ke haba khaca, e ba ke at ame he ka ûcû möu ame he ka o hwabâm.

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

I. Je Than 4:29

Ke Khong ame ham kö Solomona metâ me wâhmakhmetoâ ae ti gan, me hnyok ae gan hmâ, helâ me öny hnyi köiö.

Ezera 7:25

He haba u Ezera, me u ma he ka otilâ tavat ûhnei me tavat owisa, hoton metâiny Khongom wale unyâm, he ka owisa ka tavat hia thithö hnyi ke keihen hoton wagewe, tavat hia ae khanʼ ödra hnanyibu anyin Khongom; ke nâ thö tavat ae ca khanʼ ödra.

Esodo 31:3

ke oge hia but öunöngötâ e hnen hanon Khong hnyi metâ, me wâ ûnykûme, me tremang, me ta je huliwa hia,

Esodo 31:6

Ke wâ bi, inya oge hia but kû Aholiaba noku Ahisamaka me me tha e me, ûnyi hnyi tribu Dana; ke oge hia but ip metâ eû hnyi hnyekon hnyat ae metâ hia, mʼ odrin e he ka ânyâ hia hnök hna hûna köu:

Esodo 35:31

ke a hia but ounöngötâ e ge hanon Khong hnyi metâ, me wâ ûnykûme, me tremâng, me ta je ve huliwa hia,

Esodo 35:35

Ke e ame ounöngöti ödru ge hnyok ae metâ, he ka huliwan je ve huliwa anyin at ame khavi, me huliwa ae iyong, me huliwa anyin at omecâ mano ae udrudrâ, me udrudrâ hlit, me dra vec, me lino ae ûhnyûkong nân, me huliwa anyin at ame hwâwâ mano, me hnyat a ânyâ ta je huliwa hia, me wâhmakhmetoâ ta je huliwa ae iyong.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Ta je huliwa 15:25

ke tha hnyekuhmun dut, me so kohmun he ka kunâ li at köbun adre me ûca he ka tha he me Banaba me Paulo, laoûnykûmihmun,

Ta je huliwa 7:10

kʼ ame omelö e ûnyi hnyi anyin ta je vec hia, me ham kâu ibetengiö me metâ hnyi hnyi-makö Farao than Aigupito; ke e ame otilâ e me me musi hnyi Aigupito me hnyaban hia.

Ta je huliwa 9:17

Me ame he but Anania, me didro ka hnyi uma; ke e ame ip li hnyamen hon e, me ha, ka habe, Saulo lö, liamekeiny mönya, a kunö nya Than Iesu, waleji a manen köu eû hnyi gethen u je he hnyin, mʼ u me bwela but, me unöngöt ge Hanu Kap.

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

I. Korinito 12:8

Anyin adre ham ka ke at hofuc ae metâ a deny Hanu; ke ka ke at hofucin wâ ûnykûme hoton Hanu a khaca:

I. Korinito 2:13

Ke ohmun e ha ta je ûnyi e, ca ûnyi hnyi hofuc adre nâ hnen metâ anyin at, ke so bi ûnyi hnyi hna ûne hnen Hanu; ame omanenâ ta je ûnyi anyin hanu ka tavat aten hanu.

I. Korinito 3:10

Oge hia but ip taben helâ me homakan hnyat op uma a at ae metâ, hoton ibetengiö baû anyin Khong adre me ham könya; ke haba ke at ame op goranyai hon.

Efeso 3:3

waleji ge hnödra hna omanenâ könya ûnyi ae iyong hnen hna omanenâ, helâ me hnok hna bök ka set okhulitâ,

I. Timoteo 1:16

ke wale thibi e can adre betenge baû könya, me me he Iesu Keriso ka omanenâ a ûnyi gak, wale at ae nuâ monuiny, anyin hokhnyok ae beû hmâ hia thithö hnân tulut kodra adre me he ka labageju kâu nyiele, mʼ adre me hu gadra möt ame ca ba balua.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

II. Peteru 3:2

mʼ öbun e he ka ûnykûme thö ta je hofuc a bân hwan ta je perofeta ae kap, me hnanyibu anyin Than At ûhomeli a deny anyibun ta je aposetolo:

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.