II. Peteru 3:10 - Iaai Bible 1901 (New Caledonia)

¹⁰ Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

II. Peteru 3:10 ပူးပေါင်းရင်းမြစ်များ

Salamo 102:26

Ame he ka hia ta je ûnyi e, ke u tethmâ balua bi; Eke, ame he ta je ûnyi e hia ka amam helâ me ûkhaû; U me he ka wia e helâ me ûkhaû, mʼ adre me ke bongon bi:

Salamo 46:6

Ame imemedien ta je hnyei, kʼ ame bwebwet ta je dokhu: E ame fuc ge hwan, me ame köiö but hmeledrany.

Salamo 97:5

Ame köiö but je ong bucen hnyi hnyimakö Iehova helâ me wasu, Hnyi hnyimakan Tuhan hmeledrany hia thithö.

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 24:19

A ti mou but hmeledrany, a aû but hia hmeledrany, a ti bwebwet hmeledrany.

Isaia 34:4

Ke ame he ka aû but ta je döiny drany hia, ke adre me he ka vhec drany helâ me tusi: ke ame he je dö hnyin e ka kolu helâ me lan vine ame kolu, ke helâ me lan ae meleca ûnyi huyi imeta.

Isaia 51:6

Bwele thö goranyai ka hnyi drany, ke wâ ju hmeledrany eû: anyin ame he ka didrut drany helâ me hai, kʼ ame he ka amam hmeledrany helâ me ûkhaû, kʼ ame he tavat adre me! labā e ka mok helâe: ke ame he ka e balua bi anyik ûhomeli, kʼ adre me ca he ka ohia hwakecik ae wisa.

Joela 1:15

Ekölö ge bong! anyin ame he jem bong bongi Iehova, ke e ame he ka o helâ me hnaûhango ûnyi ge Ataekhanahia.

Joela 2:1

TÛA thö trutru hnyi Ziona, me olungâ haten hnyi anyik bucen ae kap; öbu-buny ju öbun hia aten hnyei; anyin ame he jem bong bongu Iehova, ae hakekeny jut;

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Joela 3:14

Ödra se, ödra se hia hnyi hnyigöulen bucen hna owisa! anyin ae hakekeny jut bong bongu Iehova hnyi hnyigöulen bucen hna owisa.

Amosa 9:13

Ke haingo Iehova, ka habe, Wâ bi ame he ka o je bong, me ame he at ame trohnen ka khaû at ame subö hwit, ke ame he at ame utoto wan vine ka khaû at ame cekön; ke ame he je bucen ka khukhula ge waina ae hnebwia, kʼ ame he je hut hia ka lup.

Amosa 9:5

Anyin a haba Than Iehova tuhan sabaoth, wale thibi e at ame kâlâ hnyei, me ame köiö but, ke amo he tavat hia adre me labâ e ka tenge; ke e ame he ka khibi hia helâ me Wagewe; kʼ ame he ka dit hmetu helâ me Wageweiny Aigupito;

Mika 1:4

Me ame he je bucen ka köiö hnyi hmelen, kʼ ame he ka hmouca hnyigöulen je bucen, helâ me wasu hnyi meic, ke helâ me köiö ame hingölö hnyi dok ae hwatapkolu.

Nahuma 1:5

Ame öbubuny je bucen gan, ke ame köiö but je hut; ke ame khibi goranyai kânâ hnyi hnyimakan, eke, hmeledrany, me tavat adre me labâ e.

Malaki 4:5

Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Mareko 13:31

Ame he bi ka hia drany me hmeledrany, kʼ ame ca he ka hia hok ta je hofuc.

Luka 12:39

Ke wâûnykûme ju öbun ang, a ne khana tuhan uma ûen ame he ka o hnyin at venön, ame ne hia but hmâkâ, me e ame ca hna bi umen uma mʼ adre me he ka kia e.

Roma 8:20

Anyin adre hwenbâ hmeledrany ka hnyi ûnyi ae ca ûnyi hnathu, ca ûnyi ge weny, ke hnen bi e at ame hom hwenbâ,

I. Korinito 1:8

wale at ame he ka otethmʼ öbun ke ne o but obiny, me me ba hnân haikongu öbun hnyi bong bongon Tuhöta Iesu Keriso.

I. Korinito 5:5

he ka hna but e ko Satana, me me ohia unyin, me me möt hanon bi hnyi bong bongon Than Iesu.

II. Korinito 1:14

helâ me keihen gabun adre me ogʼ öhmun ehac, ka habe, a öbun e hobeluâ gahmun, helâ me hnöhmun hna hobeluâ gabun, hnyi bong bongon Tuhöta a Iesu.

I. Thesalonika 5:2

Anyin ae khanʼ öbun wia a gʼ ame he ka o bong bonginy Than helâ me at venöu hnyi lit.

I. Thesalonika 5:4

Ke haba öbun, hnyat me lakeiny, ca öbun bi hnyi menekholom, me me he ka o köbun bong eling helâ me at venöu:

II. Peteru 3:11

Ke can ame he ka hia ta je ûnyi e, me ieû hwakecin ae ûcû köbun? hawa e ca so öbun e he ka tavat ae hnathu hnyi hwakecin ae kap me hwakecin ae ûcû me Khong,

II. Peteru 3:12

me tavat halubahingen me webun he ka o but bong bongon Khong, wale ame he ka thong drany me me he ka oköiâ e, ke ame be ka köiö but ge kahwa ae gan hmâ ta je ûnyi hia thithö?

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.

Juda 1:6

Ke haba ta je angela waleji adre me ca tethmâ hnyi hanymödra ae gan hmâ, ke adre me hna degecâ hing hnyabadra, me e ame hia but cʼ ödra hnyi menekholom a nyiele balua ke ne o but bong owisa a bong ae gan.

Hna Omanenâ 16:15

(Wâ bi, oge me he ka o helâ me at venöu. Hnahic hnen at ame hmâkâ, me tuö anyin je ûkhaû, wâ e nye he ka he thu, mʼ ödra wâ thö anyin hmehma.)

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.

Hna Omanenâ 21:1

KE oge me wâ drany a teb ûnyi me hmeledrany a teb ûnyi: anyin a hia but drany a bân me hmeledrany a bân; ke ba hmetu bi köiö.

Hna Omanenâ 3:3

Anyin a wale ûnykûme ju hwakecin hnâm hna kap me löng; ke kât hmâ ju e me ietra. Ke u je ne ca hmâkâ, me oge me he ka o helâ me at venöu, kʼ ame ca he ka khanö u ûen oge me he ka o hnyin köu.

Hna Omanenâ 6:14

Ke adre me vhec dö drany helâ me tusi adre vhec; ke adre oc hia ta je bucen me je bomene ûnyi hnyi hnen bi.