II. Peteru 2:21 - Iaai Bible 1901 (New Caledonia)

²¹ Anyin ae so kodra adre ne ca bia but wâhmakhmetoâ getheniny hwakecin ae wisa, hon hnödra hna wâhmakhmeto, me hmetuhmetu ûnyi hnyi hnanyibu ae kap adre me ham kodra.

II. Peteru 2:21 ပူးပေါင်းရင်းမြစ်များ

Salamo 125:5

Ke haba tavat adre me saû ka hnyi ta je gethen ae hwali, Ame he Iehova ka hum ödra he ka tha he me tavat adre me ânyâ hulo. E so e e hon Isaraela hnahic.

Salamo 85:8

Oge me he ka long hna ha hnen Khong ae Iehova: Anyin a e ame he ka ha ûsoköu ka lakeiny me anyin wakap: Ke so adre me ca he hmetu bi ka hwakecidra ae monu.

Ta je Vejec 12:28

E hu möt bi eû hnyi gethen deny hwakecin ae wisa; Ke ba mok bi hnyi deny gethen.

Ta je Vejec 16:31

Korona ae hmanenang ûhûen, Kʼ adre me he ka wâ e hnyi gethen deny wisa.

Ezekiela 18:24

Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.

Ezekiela 23:13

Me oge me wâ ae kong minya but momo e; ke khaca thibi dedru gethen.

Ezekiela 3:20

Ke haba khaca, ame ne hmetu thö at ae wisa ûnyi hnyi hwakecin ae wisa, me ânyâ hulo, ke inya oge me ip ûnyi hnân öthöâ hnyi hnyimakan, me e ame he ka mok: e ame he ka mekiny anyin hulo, kʼ adre me ca he ka ûnykûme hwakecin ae wisa e ame ânyâ, anyin a u je ca koû kâu; kʼ oge me he bi nya ka elâm dren gam.

Ezekiela 33:13

Ke iny ka ha ka at ae wisa, ka habe, e ame he ka möt; kʼ ame ne he bi ka labageju hwakecin ae wisa, kʼ ame ne ânyâ hulo bi, awe adre me ca he ka ûnykûme hwakecin ae wisa; kʼ ame he bi ka mekiny hulo e ame ânyâ.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Mataio 21:32

Anyin a Ioane ame o but köbun hnyi deny hwakecin ae wisa, ke öbun e ca geju kâu: ke ame labageju kâu hnen ta je telona me ta je momo hnyi gethen: ke öbun e wâ thibi, öbun e ca ietra hwaban, mʼ öbun e he ka labageju kâu.

Luka 12:47

Ke haba athnyaba wale ame wâhmakhmetoâ weny tuhan, kʼ ame ca penapena bi, kʼ ame ca ânyâ ûnyi ae ûcû me weny, me adre me he ka osehia kot;

Ioane 15:22

Oge ne ca o ehac he ka thumetu ödra, ame ne ba anyidra monu: ke walang ang e ba ûnyi hnân haisoâ anyidra monu.

Ioane 9:41

Iesu ame thu kodra, ka habe, Öbun e ne je wadröu me ba bi anyibun monu, ke walang ang öbun e ha, ka habe, Ohmun bwelâ: waleling me me e bala bi anyibun monu.

Roma 7:12

Awe, e kap hnanyibu, me e kap hna hûna, me wisa, me so.

Galatia 6:2

Ûkhûkhûö th ö honöbun je hok, me ohwâdâ helâe hnanyibu anyin Keriso.

I. Thesalonika 4:2

Anyin ae khanʼ öbun dut je hna hûna, öhmun e ha köbun ûnyi ge Than Iesu.

I. Timoteo 6:14

ka habe, u me he ka tuö hnanyibu, me me ba hnyikongon, me ba hnân haikongoâ, ke ne o but ame manen dut Tuhöta Iesu Keriso:

Heberu 10:26

Anyin ate ne ânyâ hulo ge weta, öta ka hia but wâ ûnykûme hnathu, me ba hmetu bihut can ta je hulo,

Iakobo 4:17

Anyin a wale, haba at ae khana he ka ânyâ so, kʼ ame ca ânyâ bi, wale hulo bi kâu.

II. Peteru 3:2

mʼ öbun e he ka ûnykûme thö ta je hofuc a bân hwan ta je perofeta ae kap, me hnanyibu anyin Than At ûhomeli a deny anyibun ta je aposetolo:

Juda 1:3

Hnyat a oûnykûmik lö, oge me wek hmonyin he ka set köbun ge möt adre ham gânâ köta, kʼ ame ûjongi nya hnyekuk he ka set köbun me sihwegi öbun, mʼ öbun e he ka hwege ûsabû ûöhwege hobi kâu labageju, waleji adre tha ham ka tavat ae kap.