II. Peteru 2:14 - Iaai Bible 1901 (New Caledonia)

¹⁴ a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

II. Peteru 2:14 ပူးပေါင်းရင်းမြစ်များ

Jobu 31:7

Ame ne hia but saû li cak ûnyi hnyi gethen, Kʼ ame ne hnu hoton li emakök hnen hnyekuk, Kʼ ame ne kece ong hnyikongon ka hnyi li hnyamok:

Jobu 31:9

A ne hia but iyawâ hnyekuk hnen ke momo, Ke oge ne hia but tuö hnyi hwanumen ke at:

Ta je Vejec 5:6

Waleling me me ca wâ bi dok ae tha hon hnen momo eling, hnyi gethen deny möt: Kʼ ame hwihwiö deny je gethen, ke ca khana bi.

Ta je Vejec 6:25

Ca behnyekom eû hnyi hnyekom anyin hmanenang; Ke so ame ca omonu u hnen bademakan.

Isaia 1:16

Soû but, okalaöti öbun; degec ut anyibun ta je huliwa ae kong hnyi hnyimakök; soju hna mâdrâ hulo:

Isaia 34:5

Anyin a sekon dut anyik hele vat ge hnen hna ijem hnyi drany: wâ bi, e ame he ka utut hon Edoma me hon tavat oge me hangâ, mʼ adre me owisa.

Isaia 65:20

Ame he ka ba hmetu inma adre me konâm hnyi je bong a tep thibi, ke hingat ae ca bekhot bongon je bong: anyin ame he wanakat ka mok a khaca haded ta je hunainy, ke haba at ae kong a khaca haded hunainy, me ame he bi ka hnaûhango.

Jeremia 13:23

Hawa, e khana at Aithiop he ka wia unen unyin, me lepad, hna bi hnahlimen unen? awe, e khanʼ öbun he ka ânyâ so, wale tavat adre me khenen he ka ânyâ hulo.

Ezekiela 13:18

me ha, ka habe, Walang hna ha hnen Than Iehova, ka habe, Ekölö ge omomo hnyat adre me tibet taben je bokhulubenyidra hia, me ânyâ je hnabinybak hobi kâu je dö hia, mʼ adre me töuhneweny tavat! Hawa, öbun e he ka noc tavat aten ik hnyei, me omelo tavat hobi köbun bi?

Mataio 12:34

Je lakon on lö, öbun e he ka kâmâu he ka ha je hofuc ae so, kʼ öbun kong bi? anyin ame fuc hnyem ûnyi ge unöngötiny hnyok.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Mataio 5:28

ke inya bi oge me ha köbun, ka habe, haba at ame wâ hmâ âiân ke at me behnyekon e, me a hia but bi ûnyi monu mē eû hnyi hnyekon.

Mareko 13:22

anyin ame he ka o ta je Keriso thoi, me ta je perofeta thoi, ke adre me he ka omanenâ ta je haten me ta je ûnyi hnân lâiâ, mʼ adre me he ka omono tavat adre ûca, a ne ca pason.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

I. Korinito 11:19

Anyin ama he ka hu je imouköu unyibun, me me manen dut tavat ae hnathu gabun.

Efeso 2:3

ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:—

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Kolose 2:18

Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin,

Iakobo 1:8

e at ame lolo hnyok, kʼ ame okokok hnyi deny ta je gethen hia thithö.

II. Peteru 2:18

Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

II. Peteru 3:16

ke helâe hnyi anyin ta je tusi ame ha hnyin ta je ûnyi e; ke wale thibi e ke je hofuc ae hmak he ka wâ tremângâ, adre wia hnen tavat adre ca nâ me tavat loloâ, helâe minya ke je hna sihnalimen, mʼ adre me ka ohnaûhangʼ ödra bi.

I. Ioane 2:16

Anyin a haba ta je ûnyi hia thithö eang hmeledrany, wale behnyekon ta je ûnyi hnyi unyin, ke behnyekon hnen li ecmak, ke hobeluâ monoâ möt ang, me ca ûnyi ge Kamen, ke ûnyi eang hmeledrany.

Juda 1:11

E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.