II. Peteru 2:12 - Iaai Bible 1901 (New Caledonia)

¹² Ke haba tavat ang, me helâ me ta je meno ae ba hnyekudra, kʼ adre hnöku ödra helâ me omeno hnân noc me hlingâ, adre me haikongoâ ta je ûnyi ae ca khanʼ ödra, ke adre me he ka hamödra hia hnyi hnödra hna ohia,

II. Peteru 2:12 ပူးပေါင်းရင်းမြစ်များ

Salamo 49:10

Anyin a e ame wâ a gʼ ame labö mokcu tavat ae metâ, Ke ame tha hia but at ae monu me at ae ba oûnykûminy, Me hna but je omjehedrin ka keihen,

Salamo 92:6

E ca khana bi at ae ba hnyekon; Kʼ ame ca wâhmakhmeto e hnen at ae monu.

Salamo 94:8

Ûnykûme ju öbun tavat ae ba hnyekubun unyin tavat: Ke haba öbun tavat ae monu, ie ûen öbun e he ka meta hnyin?

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

Jeremia 10:21

Anyin a hwakecin dut meno tavat tuö mamoe, me ca elâm bi unyi Iehova; anyin a wale, e ba sot gadra, ke ame vese hia haledra je hna hat mamoe.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Jeremia 12:3

Ke haba u Iehova lö, u je wâhmakhmetu nya: u je ö nya, me cubec hnyekuk gam: lili ödra but helâ me je mamoe hnân he ka hlingâ, me penapenʼ ödra hobi kâu bong he ka hlingâ hnyin.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 5:4

Me oge me ha, ka habe, Ame ne ta je theduoc ang: adre me hwen monu; anyin ae ca khanʼ ödra bi gethen de Iehova, me hna owisa hnen Khongudrin:

Ezekiela 21:31

Ke oge me he ka hingâlâ anyik hmönyin hom; oge me he ka tûâ köu meicin anyik wathethöt: ke oge me he ka hnö u ka hnyi hnyamen tavat a helâ me meno, tavat ae khanʼ ödra he ka ûohiö.

Mareko 7:22

me venöu, me ûhlingö, me venâu âiân ke at, me benyekon, me hwakecin ae kong, me iyawö, me hwakecin ae ikiki, me ihuhnyinköu, me hwege hnyem, me hop, me hwen monu:

Ioane 8:21

Iesu ame ha hmetu ködra, ka habe, Oge me he but ka he, ke öbun e he bi ja ka elöm nya, ke öbun e he ka mekiny anyibun ta je hulö: haba dok oge me he ka hnyin, me ca khanʼ öbun he ka he ka hnyin.

Galatia 6:8

Ke haba at ame tä ka hnyi hing unyin bi, me e ame he ka meno hna bobot ûnyi hnyi unyin; ke haba at ame tä ka hnyi Hanu, me e ame he ka meno möt ame ca ba balua ûnyi hnyi Hanu.

Kolose 2:22

(ame he ka hia ta je ûnyi e, at ka mâdrâ), helâ me je hna hûna me je hna ûnö hnen at?

II. Peteru 1:4

ke can thibi e, e ame ham köta ta je hna ha bânâ ae ûnyi hnathu me gan hmâ hmonyin; mʼ öbun e he ka hnyi vheno hwakecin Khong, hnen e, öbun tavat kec ge hwakecin ae kong eang hmeledrany ûnyi ge weny Khong.

II. Peteru 2:19

adre me ha bânâ kodra bi a gʼ adre me he ka hnʼ ödra bâûâ, ke so bi haba ödra, me lathnyabainy hwakecin ae ikiki; anyin a haba at ame hom ûhnyûkongoâ ke at, me wale at eling ame bâ bi kâu.

Juda 1:10

Ke haba ödra ang, me adre me hiakongoâ ta je ûnyi ae ca khanʼ ödra: ke haba ta je ûnyi ae khanʼ ödra hoton unyin, helâ me ta je meno ae ba hnyekudra, me adre me hângʼ ödra hnyi ta je ûnyi e.