II. Peteru 1:8 - Iaai Bible 1901 (New Caledonia)

⁸ Anyin a ne e unyibun ta je ûnyi e, kʼ ame ne se, me wale ame he ka wiʼ öbun mʼ öbun e ca hnyat baû bi, ke ca hnyat bi adre me ca wâ, hnyi hna wâhmakhmetoâ Tuhöta Iesu Keriso.

II. Peteru 1:8 ပူးပေါင်းရင်းမြစ်များ

Ta je Vejec 19:15

Haba hwakecin ūsēnyin me ame okûâ mokut hnying ae gan; Ke ame he ka mekihnânem at ame höciâ huliwa.

Mataio 13:22

Ke haba at adre tā hnyi wanben ta je ûö ae ûdedö, wale at ame long hofuc, ke ame kû takoû hofuc hnen je vheliny hmeledrany, me je iyawö ge omjeû, me e ame ca wa but.

Mataio 20:3

Ke e ame dit hmetu but hnyi awa a kuniny, kʼ ame wâ keihen adre me ûtitilen bâu hnyi hna ûcû;

Mataio 20:6

Ke haba hnyi awa a eleven, e ame dit hmetu but, me wâ keihen adre me ûtitilen baû; me e ame ba kodra, ka habe, Ieû gabun öbun e ûtitilen baû ke obekhötâ bong?

Mataio 25:26

Me haba tuhan ame thu me ha kâu, ka habe, U athnyaba ae kong mo ūsēnyin, e khatö u a oge me meno hnyi dok oge ca ta hnyin, me ûkhöûnâ hnyi dok oge me ca jijingâ hnyin;

Ioane 15:2

E ame hom but ta je vheiny gak ame ca wa: ke haba ta je vheiny ae wa, e ame ânyâwia, me me wa gan dut.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 5:42

Ke oge wâhmakhmetu öbun dut ae ca hu gabun weny ka Khong.

Roma 12:11

hnyi huliwa wia ke ca sënyin bi; hwege ju hnyi oûnykûmibun; athnyabainy dö Than:

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

II. Korinito 13:5

Elâm dö eû hnyibun, a ne hu labageju gabun; cubic öbun. Hawa, e et khanʼ öbun a Iesu Keriso eû hnyibun? öbun e ne ca monu bi.

II. Korinito 8:2

ka habe, adre cubic ödra hnyi vec ae gan hmâ, ke ame kû gan hmâ but anyidra sēnyin me hna ham bâûâ ûnyi hnyi anyidra theduoc.

II. Korinito 8:7

Ke öbun e tren gânâ ta je ûnyi hia, wale labageju, me ha hofuc, me metâ, me kong hnyekunâ gan hmâ, me anyibun ibetengiö kohmun, awe, e so ame he ka si minya unyibun ibetengiö ang.

II. Korinito 9:14

ke adre me hnyok gan hmâ köbun ûnyi hnyi ibetengiö baû anyin Khong ae ti gan hmâ unyibun, ke adre me hic hobi köbun.

Filipi 1:9

Ke walang hijic hic, a gʼ ame he ka kû gan hmâ bala anyibun ibetengiö hnyi metâ me wâhmakhmeto hia;

Filipi 2:5

E so eû hnyi je hnyekubun ûnykûme eang, wale ame ûnykûme Keriso Iesu:

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 2:7

ke bi wân dut me up öbun goranyai unyin, ke ohmâ ju anyibun labaʼ geju, helâ me hna nʼ öbun, ke ti ole gan hmâ.

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

I. Thesalonika 3:12

ke so Than ame he ka wiʼ öbun, mʼ öbun e he ka hûhûö me si but ibetengiö ke at ka ke at, me ka tavat hia thithö, ke helâe minya öhmun köbun;

I. Thesalonika 4:1

KE walang obiny, hnyat me lakeiny lö, öhmun e sumat me ûjengi öbun ge Than Iesu, ka habe, haba hnöbun hna kap gahmun ge bongon he a öbun, me me osenyinâ Khong, ke öbun e he helâe,— mʼ öbun e he ka hwege tot hnyin bala.

II. Thesalonika. 1:3

Hamöhmun he ka ole bala ka Khong gabun, hnyat me lakeiny, anyin ae ûcû e, anyin ame ti kû hmonyin anyibun labaʼ geju, kʼ ame si but anyibun ibetengiököu hia thithö;

I. Timoteo 5:13

Ke haba khaca adre me nâ he ka höcö huliwa, me he monu ka hnyi ta je uma, he ca hake höcö thibi huliwa, ke adre me ûsabû baû minya, me hngele ka wâ huliwa anyin keihen, me ha ta je hofuc ae ca ûcû ködra.

Tito 3:14

E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.

Filemona 1:6

me me hu troban ge tha hnyok hnyi ânyâm labageju, hnyi hna wâhmakhmeto ta je ûnyi hia ae so eû hnyi hnyibun ka hnyi Keriso Iesu.

Heberu 6:12

mʼ öbun e ca he ka tavat laba baû, ke so bi he ka hnu hotudra ae hu gadra ta je hna ha bânâ.

II. Peteru 1:2

e so adre osehia unyibun ibetengiö baû me ûsoköu hnyi hna wâhmakhmetoâ Khong me Iesu Keriso a Tuhöta;

II. Peteru 1:3

anyin a e ame hia but ham köta ta je ûnyi hia hnyi möt me hwakecin ae ûcû me Khong, hnen maniny man, ûnyi ge hna wâhmakhmetoâ e, at ame ha öta ge anyin hmanenang me hnyok so;

II. Peteru 2:20

Anyin adre ne hia but kec ûnyi hnyi ta je ûnyi ae kong hnyi hmeledrany ûnyi ge hnödra hna wâhmakhmetoâ Than At ûhomeli a Iesu Keriso, ke adre me vhet hmetu hnyin me hom ûhnyûkongo, awe, e kong obiny hynat eling hon can.

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.