II. Peteru 1:7 - Iaai Bible 1901 (New Caledonia)

⁷ me bi hanen hnyokâ hnyat me lakeiny ka hnyi hwakecin ae ûcû me Khong; me bi hanen ibetengiö ka hnyi hnyokâ hnyat me lakeiny.

II. Peteru 1:7 ပူးပေါင်းရင်းမြစ်များ

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

Galatia 6:10

Anyin a wale, e ka hu ûen köta, e so ate me he ka mâdrâ huliwa ae so ka tavat hia thithö, ke ti ânyâ bi ka tavat a ödra hnyi lap anyin tavat labageju.

Kolose 3:14

ke haba ûnyi ae nua hon ta je ûnyi e, me ibetengiö, wale weny ae ti so.

I. Thesalonika 3:12

ke so Than ame he ka wiʼ öbun, mʼ öbun e he ka hûhûö me si but ibetengiö ke at ka ke at, me ka tavat hia thithö, ke helâe minya öhmun köbun;

I. Thesalonika 5:15

Ca he ke at ka bi hwaban monu ge monu ka ke at; ke hnu bala hoton so unyibun bi, me tavat hia.

Heberu 13:1

E SO e tethmâ ibetengiököu unyin hnyat me lakeiny.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 2:17

Ogânâ thö tavat hia thithö. Betenge ju ge hnyat me lakeiny. Ot ju ka Khong. Ogânâ thö than tot.

I. Peteru 3:8

Walang obiny, e so öbun e he hia ka tha hnyok, me vec betenge, me tha hnyok helâ me je liamekeiny, me sang betenge, me hnyok ae hnyikânâ:

I. Ioane 3:14

E khanʼ öta, a ate me hia but didro ûnyi hnyi mok ka hnyi möt, anyin ate me betenge ge je liamekeiny. Haba at ame ca betenge, me e bala bi hnyi mok.

I. Ioane 3:16

Ke manen köta ibetengiö anyin a e ame hamen ham anyin möt hnân hobi köta: me ûcû minya köta he ka ham anyita möt hnân hobi kâu je liamekeiny.

I. Ioane 4:21

Ke walang hnanyibu ae hu gata ûnyi gan, a baba at ame hnyokâ Khong, me ame he ka betenge minya ge liamekeiny mē.