II. Peteru 1:16 - Iaai Bible 1901 (New Caledonia)

¹⁶ Anyin a öhmun e ca hnu hoton ta je vekhet thoi anyin tavat ae metâ, waleji hnyi ûen öhmun e omanenâ köbun man me ioiny Tuhöta Iesu Keriso, ke öhmun e hnyi wâ anyin hmanenang.

II. Peteru 1:16 ပူးပေါင်းရင်းမြစ်များ

Malaki 3:2

Ke ie at ame he ka hokhnyokâ bonginy o a e? ke ie at ame he ka tot, e ka manen dut? anyin a e ûcû me meic hlogon at ame leû fao, me helâ me sop anyin at ame hnû khaû:

Malaki 4:5

Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 17:1

KE hwaban ta bong a siks Iesu ame hum Peteru, me Iakobo, me Ioane a keiny, me su ödrin ka hnyi bucen a hake ödrin ke:

Mataio 24:27

Anyin a haba hucuce ame o thö ûheny jimeyö, kʼ ame umumelam jio; kʼ ame he ka helâe, e ka o hmetu Nokon at.

Mataio 24:3

E ame tiga laba hon bucen Elaio, me ame o duöng kâu laten, me ha, ka habe, omanenâ thö kohmun ame he ka o kehö ta je ûnyi eî ke ieû haten ge hnâm hna he ka o hmetu, me ûnyi minya a obiny hmeledrany?

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mareko 13:26

Me adre me he ka wâ Nokon at ame he ka o hnyi ta je ûlâ tha e me man ae gan me hmanenang.

Mareko 14:62

Haingö Iesu ame ha, ka habe, Inya ang: ke öbun e he ka wâ Nokon at ame laba hnyi ke keihen metân man ame tha he me ta je ûlâiny drany.

Luka 1:2

helâ me hnödra hna ham köta, waleji ate me wâ, kʼ otin e bi athnyabainy hofuc ûnyi hnyi can,

Luka 9:43

Ke haba ödra hia adre me lâiâ man ae gan hmâ maniny Khong. Ke ödre hia adre me tiga lâiâ ta je ûnyi hia e ame ânyâ me e ame ha ka laten, ka habe,

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

I. Korinito 1:17

Anyin a ca kunö nya Keriso he ka bapataiso, ke so bi, he ka khetâ ûthumetu ae so: ca hnen ifucin metâ, wâ e nye gufa but satauro anyi Keriso.

I. Korinito 1:23

ke ohmun e khetâ Keriso adre osatauroâ, wale hnân thö ka at Juda, ke hwen monu bi ka at Heleni;

I. Korinito 1:7

wale me me ca hia gabun ke bwihlany; kʼ öbun e halubahingen he ka manen Tuhöta Iesu Keriso;

I. Korinito 2:1

HNYAT me lakeiny lö, haba ge imwik e unyibun, me oge me ca tha o me hofuc ae hmanenang me metâ, hnyi hnok hna omanenâ köbun ûnyi ae iyong anyin Khong.

I. Korinito 2:4

Ke haba ifucik ke hnok hna khetâ, me ca hnen bi hofuc ae senem hnyi metâ, ke ame kû hnen Hanu me man:

I. Korinito 5:4

kʼ öbun ka ûkhacaköu, a tha öbun me hnyekuk, me man maniny Tuhöta Iesu, hnyi ien Tuhöta Iesu,

II. Korinito 2:17

Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.

II. Korinito 4:2

ke öhmun e hia but degec ta je ûnyi ae iyong hnân ohmehma, kʼ öhmun e ca he me iyawo, ke öhmun e ca othoiâ hofuc hwan Khong; ke öhmun e omanenâ hnathu, me haisoi öhmun hnyi ta je ûnykûmenen tavat hia hnyi hnyimakan Khong.

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.

I. Thesalonika 2:19

Anyin a ieû anyihmun geju, me senyin, me koronainy hobelöûî Ca öbun bi hnyi hnyimakan Tuhöta Iesu hnyi ûen e ame he ka manen hmetu?

II. Thesalonika. 2:9

haba ioiny me hoton huliwa anyi Satana, me man hia thithö, me ta je haten, me ta je ûöman ae thoi,

I. Timoteo 1:4

me ca he ka oûnyihnathoâ bi ta je vekhet, kʼ adre me ca aû bi ta je döiny tavat, wale ae ba obiny, kʼ ame okûâ iwatretra, kʼ ame ca okûâ huliwa ka Khong hnyi labageju.

I. Timoteo 4:7

e so u ma ca kap ta je vekhet ae monu anyin wasomaca. Ke u ma khenen he ka helâ me hwakecin Khong:

Tito 1:14

me ca he bi ka kap ta je vekhet anyin at Juda, me ta je hna hûna hnen tavat adre hia but saû ûnyi hnyi hnathu.

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

I. Ioane 4:14

Ke öhmun e hia but wâ me ohnatho, a ga kunâ Nokon hnen Kamen he ka omelö hmeledrany.

Juda 1:14

Ke haba Enoka, waleji a seveniny hwân ga Adamu, ame perofeta minya ka tavat ang, ka habe, Wâ ju ame he ka o Than tha e me anyin wakap a je ten thauzan,

Hna Omanenâ 1:7

Wâbie ame he ka o hnyi ta je ûlâ; kʼ ame he bi ka wâ e hnen ta je ecmak hia, me tavat waleji adre me dâ e; ke ame he ta ie tribu hia eang hmeledrany ka tenge thungaû gan. Eke, Amen.