II. Peteru 1:10 - Iaai Bible 1901 (New Caledonia)

¹⁰ Anyin a wale, hnyat me lakeiny lö, hwege thʼ öbun he ka ohwâdâ hna hawʼ öbun, ke hna ûcʼ öbun: anyin a öbun e ne ânyâ balua ta je ûnyi e me öbun e ca he balua ka thö:

II. Peteru 1:10 ပူးပေါင်းရင်းမြစ်များ

Salamo 112:6

Anyin a e ame ca he bala ka bwebwet; Adre me he ka ûnykûme nyiele balua at ae wisa hwakecin.

Salamo 121:3

E ame ca he ka hna li cam he ka bwebwet: Ame ca he ka ta mokut bi at ame tuö u.

Salamo 15:5

At ame ca mē ham anyin mone ge hwaban, Me ca kap hwaban hnân okongoâ at ae ba hnyikongon. Ame ca he balua ka bwebwet at ame mâdrâ ta je ûnyi e.

Salamo 37:24

Kʼ ame ne he bi ka ta, me ame ca he ka ta kong: Anyin a Iehova ame kât ge hnyamen.

Salamo 62:2

E thibi kicik me at ame omeli nya: E thibi anyik tap ae beû goranyai: adre me ca he ka ti bwebweli nya.

Salamo 62:6

E thibi kicik, me at ame omeli nya: E thibi anyik tap ae beû goranyai; adre me ca he ka bwebweli nya.

Isaia 56:2

Hnahic hnen at ame ânyâ e, me nokon at ame kât hmâ e; at ame tuö sabath, me ca okongoâ e, me at ame tuö hnyamen me me ca ânyâ bi hulo.

Mika 7:8

Iwahnaihmiony mönya lö, ca he ka senyin huk: iny ka he ka ta, oge me he ka tot hmetu; iny ka laba hnyi menekholom ame he Iehova ka omelami nya.

Mataio 22:14

Anyin adre me hawâ tavat ae se, ke wakhalet thibi adre me ûca.

Roma 11:29

Anyin ame ca ietra Khong ge hnen hna ham, me hnen hna hawâ.

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.

Heberu 6:11

Ke e wehmun mʼ öbun e he ka ve omanenâ tang hwege eling ka hnyi gejon ae gan hmâ ke ne o but obiny:

Heberu 6:19

wale gejon ate me hu, helâ me iuniny hanu, ame hnathu me hmâ ke ame dit eiö hnyin hnyeule adre bi singiny;

Iakobo 2:10

Anyin a haba at ame he ka löng hoton je hnanyibu hia, kʼ ame hanyâûâ thibut khaca, me helâke a hanyâûâ hia but.

Josua 7:3

Ke ödrin e hmetu kö Josua me ha kâu, ka habe, U ma ca kunâ tavat hia thithö he ka be, ke so ame ne lo li thauzan tavat, ame ne kun ta thauzan he ka kot Ai; ke ca he ka ohuliwan tavat hia thithö, anyin a ödrin wakhalet.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.

II. Peteru 1:3

anyin a e ame hia but ham köta ta je ûnyi hia hnyi möt me hwakecin ae ûcû me Khong, hnen maniny man, ûnyi ge hna wâhmakhmetoâ e, at ame ha öta ge anyin hmanenang me hnyok so;

II. Peteru 1:5

Eke, can thibi e, e so öbun e he ka ti hwege hnyi je huliwa hia, me bi hanen hnyok ae so ka hnyi anyibun labageju; me bi hanen metâ ka hnyi hnyok ae so;

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

II. Peteru 3:17

Anyin a wale hnyat a oûnykûmik lö, ö ʼbun âu, anyin ae khanʼ öbun dut ehac wâ öbun nye ta hnyi hnobun hna tet hmâ e, e ka lili öbun ge monu anyin tavat ae monu.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,

Hna Omanenâ 22:14

Hnahic hnen tavat adre me hneû anyidra ta je ûkhaû, me me ûcû kodra he ka he ka hnyi ûöiny möt, me he ka dit ka hnyi je homagöuleiny taun.