II. Korinito 7:9 - Iaai Bible 1901 (New Caledonia)

⁹ Ke walang ang inya oge me sēnyin, ca anyin adre ohmakâ hyekubun, ke anyin adre ohmakâ je hnyekubun ke ne o but ka hnyi ietra: anyin adre ohmakâ je hnyekubun helâ me ûcû ka Khong, mʼ öbun e ca kong bi ûnyi gahmun hnyi ke ûnyi.

II. Korinito 7:9 ပူးပေါင်းရင်းမြစ်များ

Salamo 38:18

Anyin a oge me he ka haimemenâ anyik hulo; Oge me he ka hmak can anyik monu.

At Khet 7:3

E so hloûhloû hon hluma: anyin ae so but hnyok hnen hnyimak ae menyöng.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Mataio 3:8

Wa but öbun wan ae ûcû me ietra:

Luka 15:10

Inya oge me ha köbun, a gʼ ame he ka hu senyin helâe hnyi hnyimakan ta je angela anyin Khong can ietra hnen at ae kong a khaca.

Luka 15:32

E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Luka 15:7

Inya oge me ha köbun, Adre me he ka senyin helâe hnyi drany ge ietra hnen at a khaca ae kong, hon hnödra hna senyinâ tavat ae wisa a nainte nain, waleji a ca hu gadra hnân ietra.

Ta je huliwa 20:21

me ohnathoâ ka at Juda me at Heleni minya, a e so he ka ietra ka Khong me labageju ka Tuhöta a Iesu Keriso.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 2:16

haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang?

II. Korinito 7:8

Anyin a eja ke ne oge ne oveci öbun ge anyik tusi, oge me ca ietra bi, ke so bi oge me ietra ehac; anyin oge me wâ, a gʼ ame oveci öbun tusi e, ke hnyi ûen thibi a khaca.