II. Korinito 7:7 - Iaai Bible 1901 (New Caledonia)

⁷ ke ca ûnyi thibi ge ioiny, ke so bi hnen kahwa Öbun e okahwa e kâu, ke a thumetu öhmun ge webun ae tethmâ, me anyibun tenge, me hnyekubun ae kahwa könya; wale me me ti gan anyik sēnyin.

II. Korinito 7:7 ပူးပေါင်းရင်းမြစ်များ

Salamo 141:5

E so he ka kuc nya hnen at ae wisa hwakecin, wale a betenge; Ke thawo nya, wale helâke wakaco hobi kâu ban; E so ame ca he bok ka höcö: Anyin oge me he bala ka hic, ödra ka ûokonguny.

Salamo 30:5

Anyin ae ti okhulit anyin hmonyin; E hu möt bi hnyi anyin ibetengiö baû Adre me ne tenge hnyi sahac, Me ame o thö senyin hnyi hnyomakatu.

Salamo 38:18

Anyin a oge me he ka haimemenâ anyik hulo; Oge me he ka hmak can anyik monu.

Salamo 51:1

KHONG lö, betenge ju gak hoton ânyâm ibetengiö: Kot degecâ but hnok ta je hna hanyâûâ hoton ûganiny ânyâm tang betenge.

Mataio 26:75

Me haba Peteru ame ûnykûme hofuc eji ho Iesu ame ha, ka habe, U me he ka okun ivinö nya ke tiga ca kokok khoto. Me e ame didrut me tenge hlöuhlöu.

Mataio 5:4

Hnahic hnen tavat adre me tenge, anyin a adre me he ka otubweli ödra.

Luka 22:44

Ke e ame vec gan hmâ, me e ame hic hwege, ke haba khun gan ame hingölö ka hnyi kânâ, helâ me khukhulainy dra ae gan.

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Roma 1:12

wale me me tha kawkahwa hnyekuk mʼ öbun, hnyi anyitin tha labageju.

I. Korinito 5:2

Ke öbun e bi gan, kʼ öbun e ca hlöuhlöu bi, mʼ adre me he ka obâ but ûnyi gabun at ame ânyâ ûnyi eling.

II. Korinito 1:14

helâ me keihen gabun adre me ogʼ öhmun ehac, ka habe, a öbun e hobeluâ gahmun, helâ me hnöhmun hna hobeluâ gabun, hnyi bong bongon Tuhöta a Iesu.

II. Korinito 1:4

at ame okahwʼ öhmun hnyi anyihmun je vec hia, me me khanʼ öhmun dut he ka okahwʼ ödra adre me vec, ge kahwa ame okahwʼ öhmun kâu hnen Khong.

II. Korinito 2:9

Anyin oge me sihnalimen minya can e, me me khanö nya thö haten gabun, hawa la, öbun e ne ûling hnyi ta je ûnyi hia.

II. Korinito 5:2

Anyin a öhmun e mâng hnyi uma eang, ke ti wehmun he ka khaû öhmun ge umöhmun uma ethö hnyi drany:

II. Korinito 7:6

Ke haba Khong, at ame okahwa tavat adre me ohnyikönʼ ödra bi, me e ame okahwʼ öhmun ge ioi Tito;

II. Korinito 7:8

Anyin a eja ke ne oge ne oveci öbun ge anyik tusi, oge me ca ietra bi, ke so bi oge me ietra ehac; anyin oge me wâ, a gʼ ame oveci öbun tusi e, ke hnyi ûen thibi a khaca.

II. Korinito 8:16

Ke ole ka Khong at ame ip hnyi hnyeku Tito ibetengiö köbun helâe.

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

Kolose 2:5

Eja ke ne a ne hiö nya hnyi unyin, inya unyibun hnyi hanu, kʼ oge me senyinâ me wâ hna laba wia a öbun, me ihwegien anyibun labageju ka Keriso.

I. Thesalonika 3:6

Ke walang ang ame o but kohmun Timoteo ûheny unyibun, me thumetu öhmun ge hofuc ae so ge anyibun labageju me anyibun ibetengiö, me hnobun hna ûnykûmi öhmun bala, me webun gan hmâ he ka ö ʼhmun, ke helâ öhmun köbun;

I. Thesalonika 3:8

anyin a öhmun e möt ut walang ang, öbun e ne tethmâ unyin Than.

Heberu 2:1

ANYIN a wale, e ûcû köta he ka oûnyihnatho hmonyinâ ta je ûnyi waleji adre löng, wâ e nye haûhaû but gata.

Iakobo 5:17

At helâ mʼ öta Elia, ke e ame hic ûjöng me me ca he ka ta we; me ame ca ta we ka hnyi hon kânâ hnyi kun ta huna ke siks ta tehi.

II. Ioane 1:4

Inya oge me senyin gan hmâ, anyin oge me wâ a ga vheno hnathu ke je lakom, helâ me hnanyibu ate me kap ûnyi ge Kamen.

Juda 1:3

Hnyat a oûnykûmik lö, oge me wek hmonyin he ka set köbun ge möt adre ham gânâ köta, kʼ ame ûjongi nya hnyekuk he ka set köbun me sihwegi öbun, mʼ öbun e he ka hwege ûsabû ûöhwege hobi kâu labageju, waleji adre tha ham ka tavat ae kap.