II. Korinito 7:6 - Iaai Bible 1901 (New Caledonia)

⁶ Ke haba Khong, at ame okahwa tavat adre me ohnyikönʼ ödra bi, me e ame okahwʼ öhmun ge ioi Tito;

II. Korinito 7:6 ပူးပေါင်းရင်းမြစ်များ

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Mataio 5:4

Hnahic hnen tavat adre me tenge, anyin a adre me he ka otubweli ödra.

Ioane 14:16

Ke oge me he ka khöû ka Kamen, me me he ka ham köbun ke Ûhadruo, me me he ka tha e m bun nyiele balua,

Roma 15:5

E so e ham köbun hnen Khongon lingvec me kaukahwa he ka tha hnyok hoton Keriso Iesu:

II. Korinito 7:13

Anyin a wale adre ti okhawʼ öhmun: ke haba hnyi kahwa a öhmun, öhmun e sēnyin gan hmâ hnyi sēnyin anyi Tito, anyin ame okahwa hnyekon ûnyi gabun hia.

II. Korinito 7:14

Anyin a ne hu hnok hna ohobeluâ kâu ûnyi gabun, iny ca hmehmâ bi; ke öhmun e ha ta je ûnyi hia köbun hnyi hnathu, helâe minya adre wâ ae hnathu hnöhmun hna ohobeluâ, waleji oge ânyâ hnyi hnyimakö Tito.

II. Korinito 7:7

ke ca ûnyi thibi ge ioiny, ke so bi hnen kahwa Öbun e okahwa e kâu, ke a thumetu öhmun ge webun ae tethmâ, me anyibun tenge, me hnyekubun ae kahwa könya; wale me me ti gan anyik sēnyin.

Filipi 2:1

ANYIN a wale a ne e unyin Keriso ûökahwa, me otubwelâ hnyi betenge, me tha hnyok unyin Hanu, ame ne ta je ibetengiö ae menyik, me vec betenge,

I. Thesalonika 3:2

me öhmun e kunö Timoteo liamekeiny mʼ öhmun, a athnyabainy Khong hnyi ûthumetu ae so anyin Keriso, me me he ka ohmâ me okahwʼ öbun hnyi anyibun labageju;