II. Korinito 7:4 - Iaai Bible 1901 (New Caledonia)

⁴ E gan hmâ hnok hna fuc hwege köbun, ke gan hmâ hnok hna hobeluâ gabun: inya at ae unöngöt ge kahwa, oge me ti sēnyin gan hmâ hnyi anyihmun ta je vec hia.

II. Korinito 7:4 ပူးပေါင်းရင်းမြစ်များ

Ta je huliwa 5:41

Me ödrin e he but ûhedrin hnyi hnyimakan tavat ûhnenamö, me senyin anyin adre me hna ködrin he ka kong can Ien.

Roma 5:3

Ke ca walang thibi, ke so ate me senyin minya hnyi anyita je vec: anyin ae khanʼ öta a gʼ ame okûâ hokhnyok ûnyi ge vec;

I. Korinito 1:4

Inya oge me ole bala ka Khonguk gabun, can ibetengiö baû adre ham köbun ga Iesu Keriso;

II. Korinito 1:14

helâ me keihen gabun adre me ogʼ öhmun ehac, ka habe, a öbun e hobeluâ gahmun, helâ me hnöhmun hna hobeluâ gabun, hnyi bong bongon Tuhöta a Iesu.

II. Korinito 1:4

at ame okahwʼ öhmun hnyi anyihmun je vec hia, me me khanʼ öhmun dut he ka okahwʼ ödra adre me vec, ge kahwa ame okahwʼ öhmun kâu hnen Khong.

II. Korinito 10:8

Eja ke ne a ne ka gan dut hnok hna hobeluâ anyihmun musi, (waleji a ham köhmun Than hnân otilʼ öbun, ke ca hnân bi hagutʼ öbun), oge me ca he ka hmehma:

II. Korinito 11:21

Inya oge me haikongo, helâke öhmun je hnyat ae sënyin. E ka hu ûnyi ame hwege hnyin ke at (inya oge me hwen monu) inya minya oge me hwege hnyin.

II. Korinito 2:14

Ke ole ka Khong at ame odökhu öhmun bala ûnyi ge Keriso, kʼ ame omanenâ ûnyi gahmun bunen metâ gan hnyi ta je hnyei hia.

II. Korinito 3:12

Anyin a wale, öhmun e ha hwegiâ, anyin ae hu gahmun gejon a helâng,

II. Korinito 7:14

Anyin a ne hu hnok hna ohobeluâ kâu ûnyi gabun, iny ca hmehmâ bi; ke öhmun e ha ta je ûnyi hia köbun hnyi hnathu, helâe minya adre wâ ae hnathu hnöhmun hna ohobeluâ, waleji oge ânyâ hnyi hnyimakö Tito.

II. Korinito 8:24

Anyin a wale omanenâ thö ködrin hnyi hnyimakan ta je ekalesia haten anyibun betenge, ke hnöhmun hna ohobeluâ ûnyi gabun.

Filipi 1:14

ke haba hna cö nya, me ame ha hwegiâ je hnyat me lakeiny ae se hia unyin Than, mʼ adre me hwege hmonyin he ka ha hofuc hwan Khong me ca ot.

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

Filipi 1:26

me me gan hmâ but hnobun hna hobelöû hnyi Keriso Iesu ûnyi gak, iny ka o but hmetu köbun.

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

I. Thesalonika 2:19

Anyin a ieû anyihmun geju, me senyin, me koronainy hobelöûî Ca öbun bi hnyi hnyimakan Tuhöta Iesu hnyi ûen e ame he ka manen hmetu?

I. Thesalonika 2:2

ke adre hodra ka oveci öhmun me okongu öhmun hnyi Filipi, wale ae khanʼ öbun, ke Öhmun e hnyok hwege ûnyi ge Khong he ka ha köbun ûthumetu ae so anyin Khong me vec ae gan hmâ.

II. Thesalonika. 1:4

wale me öhmun e hobeluʼ öbun hnyi ta je ekalesia anyin Khong ûnyi hnyi hnobun hna hokhnyok me labageju hnyi hnödra hna sedʼ öbun, ke hnyi ta je vec öbun e vheno;

Filemona 1:7

Anyin ae hu gak senyin me kaukahwa ae gan hmâ ûnyi ge ânyâm ibetengiö, anyin a ûnyi gam liamekeiny mönya, a gʼ adre hia but okahwa je hnyekon wakap.

Iakobo 1:2

Hnyat me lakeiny mönya lö, e so öbun e he ka ûnykûme a hnân senyin gan hmâ e ka o köbun ta je ûcûbic ae ve bongon;