II. Korinito 7:1 - Iaai Bible 1901 (New Caledonia)

¹ HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

II. Korinito 7:1 ပူးပေါင်းရင်းမြစ်များ

II. Man Ûlabainy Je Than. 19:9

Me e ame ha wia ködrin, ka habe, Öbun e he ka ânyâ helâe me outö Iehova hnyi hnathu me hnyok ae wisa.

Salamo 119:9

Ame he ka kâmâu hidröu ka ânyâwia deny gethen? Hamen he ka wâ wia e hoton hwâm hofuc.

Salamo 19:9

E kalaöt ot kö Iehova, ame tethmâ nyiele balua: E hnathu ta je hna owisa hnö Iehova, me wisa hia thithö.

Salamo 51:10

Khong lö, op dö hobi könya hnyok ae kalaöt; Ke mâdrâ hmeto thö hanu ae wisa eû hnyi hnyik.

Ta je Vejec 16:6

Ame he ka hneû degecâ hulo hnen ibetengiö me hnathu: Kʼ ame he tavat ka hota hulo ge ot kö Iehova.

Ta je Vejec 20:9

Ie at ame he ka ha, ka habe, Oge hia but okalaötâ hnyekuk, Iny bo so but ûnyi ge hulo?

Ta je Vejec 30:12

E hu dö ae ba hnyikongon hnyi hnödra hna ûnykûme bi. Ke adre me ca hneû degecâ ikiki gadra.

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

At Khet 11:10

Anyin a wale, degec ut vec ûnyi hnyi hnyekom, ke ûsâkâûö but me hulo: anyin ae thatûnyi ûen wanakat me hmai.

Isaia 1:16

Soû but, okalaöti öbun; degec ut anyibun ta je huliwa ae kong hnyi hnyimakök; soju hna mâdrâ hulo:

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Jeremia 13:27

Oge hia but wâ hwakecâm ae ikiki, wale hnâm je hna bi ûnyi monu, me hwâm hwakuku helâ me hors, me ûganiny hnâm hna bi ûnyi monu hon je dok ae hut hnyi ta hnyei. Ekölö gam Jerusalema! u me ca he ka bo so; ke ne o but kehö?

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Levitiko 13:58

Ke haba ûkhaû, ame ne tö adre otilâ, ame ne tö adre omokulec, ame ne ke ûnyi bi a unen meno, wale u me he ka hneû, kʼ ame ne hia but mok hnyin, me u ma he ka hneû hmetu, me ame he ka bo so but.

Mataio 12:33

Osoâ thö ûö me me so minya je wan; ke haba khaca, okongoâ ûö me me kong minya je wan: anyin adre me wâhmakhmetoâ ûö ge wan.

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Mataio 5:8

Hnahic hnen tavat ae kalaöt hnyekudra, anyin adre me he ka wâ Khong.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

Roma 5:20

Ke ame o but minya hnanyibu, me ame se hia but monu; ke haba dok ame gan monu hnyin, me wale gan hmâ but ibetengiö baû:

I. Korinito 6:20

anyin adre hia but ûcû öbun ge hwaban: anyin a wale ogânâ thö Khong ge ta je unyibun bi.

II. Korinito 1:20

Anyin a eja ke ne a ne habânâ ta je ûnyi ae ti se hia Khong, me ûnyi thibi gan bi, ka habe, eke: waleling me me ûnyi thibi minya gan Amen, mʼ adre me he ka ogânâ Khong ûnyi gahmun.

Efeso 2:3

ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:—

I. Thesalonika 3:13

me me he ka otethmâ je hnyekubun ae ba hnyikongon hnyi hwakecin ae kap hnyi hnyimakan Khong a Kamöta, e ka o hmetu but Tuhöta Iesu, tha e me anyin wakap hia thithö.

I. Thesalonika 4:7

Anyin a ca hawʼ öta Khong ka hnyi hwakecin ae ikiki, ke hnyi hwakecin bi ae kap.

I. Thesalonika 5:23

Ke so ame he Khongon hnahic ka tha okabi öbun; e na tuö ju je hanubun hia thithö, me je hnyekubun, me je unyibun, me me ba hnyikongon, e ka o hmetu Tuhöta Iesu Keriso.

Heberu 12:23

ke ka hnyi ûkhacaköu ae bekhöt, ke ekalesiainy watö wale adre me sihnalimi ʼdra hnyi drany, ke ka Khong At owisa tavat hia, me ka ta je hanon tavat ae wisa hwakecidra adre obekhötâ,

Heberu 12:28

Anyin a wale, ate me kap dokhu ae ca khanʼ ödra he ka obwebwelâ, me so ate me he ka hu ibe-tengiö baû, mʼ ate me he ka ânyâ huliwa ame he Khong ka senyinâ, me ogânâ e me ot:

Heberu 4:1

ANYIN a wale e hu but gata hna ha bânâ he ka dit ka hnyi hnen hna menâ, me so ate me he ka ot, wâ e nye ca ûcû bi keihen gabun.

Heberu 6:9

Ke hnyat a oûnykûmik lö, öhmun e ûnykûme gabun ta je ûnyi ae so hon e, me ta je ûnyi ae hu möt hnyin, ke so bi öhmun e fuc helâe:

Iakobo 4:8

Hakekeny dö ka Khong ke e ame he ka hakekeny köbun. Hinyem but öbun tavat hulo; ke obosoâ but je hnyekubun tavat lolo hnyok.

I. Peteru 1:15

öbun e he ka kap hnyi ta je hwakecibun hia helâ me ûkapiny e at a hawʼ öbun;

I. Peteru 1:17

Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua:

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 1:9

Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.