II. Korinito 6:3 - Iaai Bible 1901 (New Caledonia)

³ ke öhmun e ca othoâ at hnyi ke ûnyi bi, mʼ adre me ca he ka haikongoâ hnöhmun hna huliwa;

II. Korinito 6:3 ပူးပေါင်းရင်းမြစ်များ

Mataio 17:27

Ke so bi wâ otin nye osauʼ ödra, he thö hnyiköiöai, me khûâ but wage, me lelö thö wâ a bân ka wadring ka hnyin; ke u ka hia but khong hnyimen, u me he ka wâ khaca sekel: hom dö e, me ham ködrin hnân hobi köu mʼ önya.

Mataio 18:6

ke haba at ame he ka bijoniny ke at ae ûhnyûkong eang ame labageju kônya, me so ka at eling he ka vekiny hnyi nyin veto hnân oamâmâ, me he ka öûâ but e hnyi köiö ae dit.

Ta je huliwa 19:27

waleling me me ca hake anyitin thibi je huliwa ame he ka ûnyi baû; ke adre me he minya ka öûnyibâûâ uma umen khong momo a Diana, ke ame he ka hia anyin hmanenang bi, wale a hmi kâu tavat Asia hia, ke hmeledrany minya.

Roma 14:13

Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny.

I. Korinito 9:12

A ne munyi ânyâ wisa eling gabun hnen keihen, hawa e ca ti ûcû kohmun he ka munyi ânyâ? Ke so bi ohmun e ca vheno wisa eling; ke ohmun e hokhnyokâ ta je ûnyi hia thithö, wâ ohmun nye ovhelâ ûthumetu ae so anyin Keriso.

I. Korinito 9:22

Inya helâ me at ae sēnyin ka tavat a ödra sēnyin, me me hmehmelö nya tavat a ödrin sēnyin: oge me hnyi hom ta je hwakecin hia ka tavat hia, me inye hwege thö he ka omelö keihen.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 8:20

ke öhmun e outen ang, wâ e nye haikongu öhmun ke at hnyi tang omjeû eang ae gan öhmun e huliwan: