II. Korinito 4:9 - Iaai Bible 1901 (New Caledonia)

⁹ adre me hnu öhmun, kʼ adre ca digic öhmun bi; adre me öū öhmun, ke ca hia öhmun dut;

II. Korinito 4:9 ပူးပေါင်းရင်းမြစ်များ

Jobu 22:29

Ödra ka ohnyikânâi u, u me he ka ha, ka habe, Todrö; Ke e ame he ka omelö at ae hnyikânâ.

Salamo 129:2

Adre hia but osehia oveci nya hwân kʼ iny tiga hidröu; Kʼ ödra ca hwege bi huk.

Salamo 22:1

KHONGUK lö, Khonguk lö, ieû gam u me hnö nya? Ke sâkâu he ka hadruo nya hnyi hok hwatenge?

Salamo 37:28

Anyin a Iehova ame weny hna owisa, Ke e ame ca degec bi anyin wakap. Kʼ adre me tuʼ ödra balua bi: Ke adre me he ka subâ degecâ je mâtrân tavat ae kong.

Salamo 42:11

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu bi, Wale melen linyimakök, me Khonguk.

Salamo 42:5

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu Ge möt ûnyi hnyi hnyimakan.

Salamo 9:10

Ke haba tavat ae khanʼ ödra iâm, me adre me he ka labageju köu; Anyin a haba u, Iehova, u je ca hna degecâ tavat waleji adre me elöm u.

Ta je Vejec 24:16

Anyin ame oseven ta ju at ae wisa, kʼ ame tot hmetu: Ke ame he bi tavat ae monu ka hia hnen vec.

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Mika 7:8

Iwahnaihmiony mönya lö, ca he ka senyin huk: iny ka he ka ta, oge me he ka tot hmetu; iny ka laba hnyi menekholom ame he Iehova ka omelami nya.

Habakuka 3:17

Eja ke ne a ne ca vhong imeta, Ke ba wan hnyi je ivine; Eja ke ne a ne ba hna huliwan elaio, Ke ba jeû hnyi je hna belök; Eja ke ne adre ne subâ degecâ hnahat meno hnyi hak, Ke ba but kau hnyi je hnyeuleny meno:

Ioane 15:20

Ûnykûme ju hofuc oge me ha köbun, ka habe, E ca gan athnyaba hon tuhan. Adre ne hia but oveci nya, adre me he bi ka oveci öbun; ke adre ne hia but vheno hok hofuc, adre me he bi ka vheno hobun hofuc.

Roma 8:35

Ie at ame he ka öûsâkâû öta me ibetengiö anyin Keriso? hawa, vec, hlöuhlöu, hna sela, hmiâ, he thu, outen mok, hele vat?

II. Korinito 7:6

Ke haba Khong, at ame okahwa tavat adre me ohnyikönʼ ödra bi, me e ame okahwʼ öhmun ge ioi Tito;

II. Timoteo 3:12

Eke, ke adre me he ka oveci ödra hia tavat adre me weny he ka laba me hwakecin ae ûcû me Khong unyin Keriso Iesu.

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.