II. Korinito 4:7 - Iaai Bible 1901 (New Caledonia)

⁷ Ke hu but gahmun tang omjeû eang hnyi je utkaia kânâ, me me ûnyi ge Khong ûganiny man ae nua, ke ca ka ûnyi hi gahmun;

II. Korinito 4:7 ပူးပေါင်းရင်းမြစ်များ

Jobu 10:9

Ö u ûnykûme ju a u je up nya helâ me kânâ ae kece; Ke hawa, u me he ka ohmetu nya ka hnyi kânâ?

Jobu 33:6

Wâ bi, oge me hnyimakök ka Khong helâ me u: Adre up nya minya ûnyi hnyi kânâ ae kece.

Jobu 4:19

Awe, ame ca helâe ge tavat adre me labā je uma kânâ ae kece, Ke kânâ dok adre hwân hnyin, Ke adre bödra ka hlic ödrin, ke biliny bi walelaba!

Je tenge anyi Jeremi 4:2

Je lakon Ziona ae ûnyi hnathu, ödra tha ûcû me gol ae so, Nakainy hna oûcû ödra me ta je kaia kânâ, huliwa anyin at ame up kaia.

Mataio 13:44

Haba dokhon drany, me ûcû me tang omjeû adre me ikhâlâ hnyi hnyei; waleji ame wâ hnen ke at, me ikhâlâ but; me e ame senyin me he but me ûcoâ anyin ta je ûnyi hia, me ûco utkânâ eling.

Mataio 13:52

Me e ame ha ködrin, ka habe, Anyin a wale, haba tavat sihnalimen hia waleji adre nâ ka hnyi dokhon drany, me helâ me at ae tren uma ame eang ta je ûnyi ae teb ûnyi me ta je ûnyi ae kueny jut ûnyi hnyi tang omjehen.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

I. Korinito 1:28

ke haba Khong ame ûca ta je ûnyi baû hnyi hmeledrany, me ta je hna hûkotiâ, me ta je ûnyi ae ba, he ka ohia ta je ûnyi ae manen:

II. Korinito 10:10

Anyin a haingödra, ka habe, E hmak, ke man bi anyin je tusi; ke sënyin bi unyin, ke ca ûnyi hnathu bi hwan hofuc.

II. Korinito 13:4

anyin adre me osatauroâ e hnyi sënyin, kʼ ame möt hmetu thö ge man maniny Khong. Ke öhmun e sënyin minya unyin, kʼ öhmun e he ka tha möt më ge man maniny Khong köbun.

II. Korinito 4:1

E HU but gahmun huliwa eang, ke adre me betenge gahmun, me waleling öhmun e ca sënyin:

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

Efeso 2:5

waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 2:12

ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok.

Kolose 2:3

at adre ikhâlâ unyin ta je omjeûiny hia metâ me wâ ûnykûme.

I. Thesalonika 1:5

a ga ca o köbun anyihmun ûthumetu hnyi hofuc thibi, ke so bi hnyi man minya, me Hanu Kap, me ti kap wia; anyin ae khanʼ öbun hwakecihmun unyibun hobi köbun.

I. Thesalonika 4:4

me me ve khanʼ öbun dö hwakecin hna tuö anyibun je kaia me me kap me so,

II. Timoteo 2:20

Ca je gol me sileva thibi eiö hnyin uma ae gan, ke je kaia uto minya me je kaia kânâ; haba keihen me hnân haisoâ, ke haba keihen me hnân haikongoâ.

Owisa 7:2

Ke haba Iehova ame ha kö Gideona, ka habe, E se hia hmonyin tavat unyâm, me oge me ca he ka ham at Midiana ka hnyi hnyamödra, wâ e nye bi gan at Isaraela könya, me ba, ka habe, Iny möt ge hing hnyamök.