II. Korinito 4:6 - Iaai Bible 1901 (New Caledonia)

⁶ Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

II. Korinito 4:6 ပူးပေါင်းရင်းမြစ်များ

Genese 1:3

Ke Khong ame ha, ka habe, Lany jut: kʼame lany dö.

Salamo 63:2

Oge hia but ö u hnyi umâm uma ae kap, Mʼ inye he ka wâ manâm man me ânyâm hmanenang.

Salamo 74:16

Ânyâm bi lany ânyâm minya bi lit: U je hia but penapena melam me seûno.

Salamo 90:16

E so e manen ka lathnyabaem ânyâm huliwa, Me ânyâm hmanenang ka lakudra.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 40:5

ke adre me he ka omanenâ hmanenangi Iehova, ke ame he ka tha wâ hnen tavat hia thithö: anyin a ha hnen hnyimö Iehova.

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Isaia 60:2

Anyin a wâ bi, ame he ka tube hmeledrany hnen lit, ke ame he ka tube ta je hnyei hnen menekholom: ke ame he Iehova ka o hom, ke ame he ka manen hmanenanginy hom.

Luka 10:22

A ham könya ta je ûnyi hia thithö hnö Cica: ke ba at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya hnen Nokon hna weny he ka omanenâ kâu.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 11:40

Iesu ame ha kâu, ka habe, Oge ca ha köu, ka habe, U je ne he ka labageju, me u me he ka wâ hmanenanginy Khong?

Ioane 12:41

Haba Isaia ame ha ta je ûnyi e, anyin a e ame wâ anyin hmanenang; kʼ ame hâiâ e.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

I. Korinito 12:8

Anyin adre ham ka ke at hofuc ae metâ a deny Hanu; ke ka ke at hofucin wâ ûnykûme hoton Hanu a khaca:

II. Korinito 2:10

Anyin a haba at öbun e onuâ anyin monu, me oge me he bi nya ka önuâ: anyin a haba ûnyi oge hia but onuâ, a ne hu hnok hna önuâ, me oge me ânyâ ûnyi gabun hnyi hnyimakan Keriso;

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

Filipi 2:6

ka habe, khaca thibi bongon me Khong, ke ame ca ûnykûme a gʼ ame venöu, wale he ka oûco me Khong,

Kolose 1:15

e thibi a we Khong ae ca manen bi, atöiny ta je ûnyi hia adre op;

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 6:4

Ke haba tavat adre bân ka omelamâ, waleji adre me drem cubecâ bwihlany ûnyi hnyi drany, me hnyi kap Hanu Kap,

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

II. Peteru 1:19

Ke e hu but gahmun hofuc adre perofeta adre ti ohnathoâ; ke so öbun e ûnykûme wia ka hnyin, helâ me ka lamepa ame umumelam hnyi dok ae lit, ke ne o but hnyi haolany, ke ame o thö okhû lany eû hnyi je hnyekubun: