II. Korinito 4:4 - Iaai Bible 1901 (New Caledonia)

⁴ wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

II. Korinito 4:4 ပူးပေါင်းရင်းမြစ်များ

I. Je Than 22:22

Ke haba Iehova ame ha kâu, ka habe, U ma he ka kâmâu? Me haingen, ka habe, Oge me he ka he but, ke oge me he bi nya a hanu ae thoi hnyi hnyimen anyin ta je perofeta hia. Haingen, ka habe, U me he ka iyawâ, me u me he minya ka tom: he thö, me ânyâ helâe.

Salamo 50:2

A hia but umumelam Khong, Ûheny Ziona, wale ae ti hmanenang.

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Mataio 13:22

Ke haba at adre tā hnyi wanben ta je ûö ae ûdedö, wale at ame long hofuc, ke ame kû takoû hofuc hnen je vheliny hmeledrany, me je iyawö ge omjeû, me e ame ca wa but.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 12:31

Adre me he walang ang ka owisa hmeledrany: ke adre me he walang ang ka obâ tuhan hmeledrany ang.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Ioane 12:40

E ame owadruâ ta je emaködra, ke e ame okhötâ je hnyekudra; Wâ adre nye wâ ge je emaködra, me ûnykûme ge je hnyekudra, Wâ adre nye hmetu, Mʼ iny omeli ödra but.

Ioane 12:45

Ke haba at ame ō nya; me ame wâ minya at a kunö nya.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 15:24

Oge ne ca mâdrâ unyidra ta je huliwa ae tiga ca mâdrâ ge at, ame ne ba anyidra monu: ke walang ang adre hia but wâ me hûkötiö Cica me inya minya.

Ioane 16:11

ge hna owisa anyin adre hia but owisa tuhan eang hmeledrany.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Ta je huliwa 26:23

ka habe, Ame he Keriso ka vec, ke ame he ka bân ka möt hmetu ûheny hnyi hna mok, me omanenâ melam ka tavat, me Aten ta je hnyei.

I. Korinito 10:20

Ke oge me ha, ka habe, haba ta je ûnyi ame hudo Aten ta je hnyei, adre me hudo ka ta je demoni, ke ca bi ka Khong: ke ca wek e me tha öbun me ta je demoni.

II. Korinito 2:11

wâ e nye iyâûʼ öta Satana, anyin ae ca iyong köta anyin ta je bihihwakecin.

II. Korinito 2:12

Haba hnyi ûen eji oge me o hnyi Troas me ûthumetu ae so anyin Keriso, ke adre khong hwanuma könya ûnyi hnyi Than,

II. Korinito 3:11

Anyin a ne hmanenang ûnyi ame he ka hia, awe, e ti hmanenang gan hmâ ûnyi ame he ka tethmâ.

II. Korinito 3:14

ke adre onâkâ je oûnykûmenödra: anyin a e bala bi ke ne o but hnyi bong ang adre ca hota but hna tube eling, hnyi ûen adre me aû ûhihinyköu adrem; waleji hna tube adre me ohia ûnyi hnyi Keriso.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Galatia 1:4

waleji at ame ka hamen ham e hobi kâu anyita ta je hulo, me me omeli ota ûnyi hnyi ang hmelen ae kong, hoton weny Khong a Kamöta:

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Efeso 6:12

Anyin ate me ca ûsöu bi me at, ke ta je musi bi, me ta je man, me ta je tuhan hmeledrany eang ae menekholom, me ta je hanu ae kong hnyi ta je dok ethö hnyi drany.

Filipi 2:6

ka habe, khaca thibi bongon me Khong, ke ame ca ûnykûme a gʼ ame venöu, wale he ka oûco me Khong,

Kolose 1:15

e thibi a we Khong ae ca manen bi, atöiny ta je ûnyi hia adre op;

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

I. Timoteo 1:11

hoton evangelia ae hmanenang anyin Khong ae tren hnahic, waleji adre me hna könya.

Tito 2:13

me halubahingen geju ae hnahic, me he ka manen dut hmanenanginy Khonguta ae beönua me At omeli öta Iesu Keriso;

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 6:4

Ke haba tavat adre bân ka omelamâ, waleji adre me drem cubecâ bwihlany ûnyi hnyi drany, me hnyi kap Hanu Kap,

II. Peteru 1:19

Ke e hu but gahmun hofuc adre perofeta adre ti ohnathoâ; ke so öbun e ûnykûme wia ka hnyin, helâ me ka lamepa ame umumelam hnyi dok ae lit, ke ne o but hnyi haolany, ke ame o thö okhû lany eû hnyi je hnyekubun:

I. Ioane 2:11

Ke haba at ame hûkotiâ liamekeiny më, e bala hnyi lit, kʼ ame he hnyi lit, ke ca khana hnen hna he ka hnyin, anyin ame owadruâ li emakan hnen lit.

I. Ioane 2:8

Wale hmetu ang, inya oge me set köbun hnanyibu a teb ûnyi, wale ae hnathu gan me gabun; anyin ame hia tot menekholom, ke ame umumelam walang ang melam ae hnathu.

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.