II. Korinito 4:2 - Iaai Bible 1901 (New Caledonia)

² ke öhmun e hia but degec ta je ûnyi ae iyong hnân ohmehma, kʼ öhmun e ca he me iyawo, ke öhmun e ca othoiâ hofuc hwan Khong; ke öhmun e omanenâ hnathu, me haisoi öhmun hnyi ta je ûnykûmenen tavat hia hnyi hnyimakan Khong.

II. Korinito 4:2 ပူးပေါင်းရင်းမြစ်များ

I. Je Than 18:34

Ke e ame ha, ka haba, Ânyâ hmetu ju, me ödrin e olo ânyâ. Ke e ame ha, ka habe, Ânyâ hmetu ju; me ödrin e okun ânyâ.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Roma 6:21

Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 11:3

Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

II. Korinito 11:6

Eja ke ne oge ne hwen monu hnyi hofuc, me oge me ca helâe hnyi metâ; ke öhmun e hia but omanenâ e köbun hnyi ta je ûnyi hia, unyin tavat hia.

II. Korinito 2:17

Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.

II. Korinito 5:11

Anyin ae khanʼ öhmun ûnyi hnân ootâ unyin Than, wale me öhmun e ûjeogö tavat, ke öhmun e manen dut ka Khong; ke ogeʼ me ûnykûme a öhmun manen dut minya hnyi je ûnykûmenöbun.

II. Korinito 6:8

hnen ogânâ, me oûhnyûkongoâ, hnen haikongoâ, me haisoâ; helâke me hnyat iyawâ, kʼ öhmun hnathu bi;

II. Korinito 7:14

Anyin a ne hu hnok hna ohobeluâ kâu ûnyi gabun, iny ca hmehmâ bi; ke öhmun e ha ta je ûnyi hia köbun hnyi hnathu, helâe minya adre wâ ae hnathu hnöhmun hna ohobeluâ, waleji oge ânyâ hnyi hnyimakö Tito.

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Efeso 5:12

anyin a haba ta je ûnyi adre me ânyâ duöngâ, me hnân ohmehma he ka ûsabö.