II. Korinito 3:9 - Iaai Bible 1901 (New Caledonia)

⁹ Anyin a ne hmanenang bi athnyabainy hnaûhango, awe, e ti hmanenangʼ gan hmâ he ka bi athnyabainy ka hwakecin ae wisa.

II. Korinito 3:9 ပူးပေါင်းရင်းမြစ်များ

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Roma 4:11

ke e ame kap haten, wale peritom, hnân bi haten hwakecin ae wisa, a anyin labageju kʼ adre tiga ca peritomonâ: me me he ka kamen tavat hia adre me labageju, kʼ adre ne ca peritomoni ödra, mʼ adre me hâiâ hwakecin ae wisa kodra;

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

I. Korinito 15:41

E ke hmanenanginy bi seûno, ke ke hmanenanginy bi tehi, ke ke hmanenanginy bi ta je okhû; anyin ae ve bongon hmanenanginy ke okhû me ke okhû.

II. Korinito 3:8

hawa, ame ca he ka beönuâ hmanenanginy bi athnyabainy hanu?

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Galatia 3:10

Anyin a haba tavat adre me laba hnyi ta je huliwainy hnanyibu, me ödra but hnyi hmelen hnaûhango: anyin adre hia but sihnalimen, ka habe, E ve hnaûhango but ödra hia adre me ca tethmâ hnyi ta je ûnyi hia thithö adre me sihnalimen hnyi tusiny hnanyibu he ka ânyâ.

Deuteronomi 27:26

Hnaûhango at ame ca hnyi ohwâdâ hofuciny hnanyibu eang he ka ânyâ. Kʼ ame he tavat hia, ka habe, Amen.

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso: