II. Korinito 3:3 - Iaai Bible 1901 (New Caledonia)

³ anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok.

II. Korinito 3:3 ပူးပေါင်းရင်းမြစ်များ

Salamo 40:8

Khonguk lö, oge me senyin he ka ânyâ wem; Eke, eû hnyi hnyekuk ânyâm hnanyibu.

Salamo 42:2

E beic hanuk ka Khong, ka Khong ae möt: Ie ûen oge me he ka o me manen hnyin hnyi hnyimakan Khong?

Salamo 84:2

Ame ti weny hanuk, eke, ame mokhon ae behe ka hnyi je hnyeule Iehova; Ame khumöng senyin hnyekuk me vik ka Khong ae möt.

Esodo 24:12

Ke Iehova ame ha kö Mose, ka habe, Ölö thö könya hon bucen, me laba eling: ke oge me he ka ham köu li veto ae lau, me hnanyibu me je hna hûna waleji oge sihnalimen, mʼ u me he ka ûne.

Esodo 31:18

Ke e ame ham kö Mose li veto ae lau anyin ûnyi hnân ohnatho, li veto ae lau a sihnalimen ge hnyamen Khong, hnyi ûen e ame um dö ûhnenamö më hon bucen Sinai.

Esodo 32:15

Ke Mose ame hwiö me utut ûheny hon bucen ke wale hnyi li hnyamen li veto ae lau hnân ohnatho, wale li veto ae lau adre sihnalimen hnyi li ve ke keihen: adre sihnalimen hnyi ke keihen me ke keihen.

Esodo 34:1

KE Iehova ame ba kö Mose, ka habe, U me he ka delâ li veto ae lau helâ me li veto a bân, ke oge me he ka sihnalimen hon li veto ae lau ta je hofucin li veto ae lau a bân, waleji u je thö.

Ta je Vejec 3:3

E so e ca hia gam ibetengiö me hnathu: Vekiny ju li ûnyi e hnyi nyem; Ke sihnalimen ju hnyi laulauiny hnyekom:

Ta je Vejec 7:3

Ca ju ka hnyi je banyâm; Sihnalimen ju hnyi laulauiny hnyekom.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 17:1

ADRE hia but sihnalimen hulo anyi Juda ge pen fao, me homakan samira: adre kave hnyi viny je hnyekudra, me hon je baitoiny anyibun je taben hut;

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Ezekiela 11:19

Ke oge me he ka ham kodra hnyok a khaca, me ip eû hnyi je hnyekubun hanu ae teb ûnyi; ke oge me he ka hom but hnyok ae veto hnyi je unyidra, me ham bi kodra hnyok a utiö:

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Mataio 16:16

Haba Simona Peteru ame thu me ha, ka habe, U thibi Keriso a Nokon Khong ae möt.

I. Korinito 3:5

Anyin a ieû Apolo? ke ieû Paulo? a li athnyaba a deny anyibun labageju; helâji me hnen Than hna ve ham köhmu.

II. Korinito 3:6

waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu.

II. Korinito 3:7

Ke a ne hmanenang he ka bi athnyabainy ûnyi adre me mekiny hnyin, waleji adre sihnalimen me kave hnyi veto, me me ca khana bi lakon Isaraela he ka wâ hmâ hnyimakö Mose anyin ae hmanenang hnyimakan; waleji a hmanenang ame he ka hia:

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

Heberu 10:16

Walang ûhihinykön oge me he ka ânyâ mʼ ödra Hwaban ta je bong e, haingen Than; Ka habe, Oge me he ka ip anyik ta je hnanyibu hnyi je hnyekudra, Ke oge me he ka sihnalimen e minya hnyi je ûnykûmenödra; waleling me me ha, ka habe

Heberu 8:10

Anyin a walang ûhihinyköu oge me be ka ânyâ me lap anyin Isaraela Hwaban je bong eling, haingen Than; Oge me he ka ip anyik je hnanyibu hnyi ûnykûmenödra, Ke sihnalimen minya hnyi je hnyekudra: Ke oge me he ka Khong bi kodra, Ke adre me he bi ka lakeik:

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

Josua 3:10

Ke haingö Josua, ka habe, Walang haten mʼ öbun e he ka wâ a e bi unyibun Khong ae möt, kʼ ame he ka ti obâ hnyi hnyimaköbun at Kanana, me Heth, me Hivi, me Perizi, me Girigasa, me Amora, me Jebusi.

Hna Omanenâ 2:1

SIHNALIMEN ju ka angela anyin ekalesia hnyi Efeso, ka habe, Walang ta je ûnyi ame ha hnen at ame kât ta je okhû a seven hnyi hnyamen a metân, wale at ame he hnyi wanben je taben lamepa gol a seven:

Hna Omanenâ 2:12

Ke sihnalimen ju ka angela anyin ekalesia hnyi Peregamo, ka habe, Walang ta je hofuc ame ha hnen at ae hu gan hele vat a lo homakan ae so hwan:

Hna Omanenâ 2:18

Ke sihnalimen ju ka angela anyin ekalesia hnyi Thuataira, ka habe, Walang ta je ûnyi ame ha hnen Nokon Khong, at ae hu li ecmak helâ me bâhlân meic, ke helâ me bras ae hadröngöc li can:

Hna Omanenâ 2:8

Ke sihnalimen ju ka angela anyin ekalesia hnyi Semurina, ka habe, Walang je hofuc ame ha hnen at a bân ke a biliny, waleji a mokcu ke a möt hmetu thö.

Hna Omanenâ 3:1

KE sihnalimen ju ka angela anyin ekalesia hnyi Saradi, ka habe, Walang ta je ûnyi ame ba hnen at ae hu je Hanu a seven anyin Khong, me je okhû a seven: E khanö nya but ânyâm ta je huliwa, wale ae hu iâm a u möt, kʼ u mok bi.

Hna Omanenâ 3:14

Ke sihnalimen ju ka angela anyin ekalesia hnyi Laodikea, ka habe, Walang ta je ûnyi ame ha hnen Amen, at ohnatho ae hnathu me wisa, waleji a at a hwân ta je ûnyi hia thithö a op hnen Khong:

Hna Omanenâ 3:22

Haba at ae hu hnyikonyen löng ju hna ha hnen Hanu ka ta je ekalesia.

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong:

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?