II. Korinito 2:4 - Iaai Bible 1901 (New Caledonia)

⁴ Anyin oge me set köbun hnyi vec ae gan hmâ, ke hmak hnyekuk, ke gan hmâ deköien li emakök; ca hnân oveci öbun, ke so bi me me he ka manen köbun anyik betenge ae gan hmâ köbun.

II. Korinito 2:4 ပူးပေါင်းရင်းမြစ်များ

Salamo 119:136

Ta je di ame hingölö hnyi li emakök, Can adre me ca tuö ânyâm ta je hnanyibu.

II. Korinito 11:2

Anyin a inya oge me ciʼ öbun ge hwakecin ciâ anyin Khong: anyin a oge me kocʼ öbun ka baga a khaca, mʼ inye he ka hum öbun ka Keriso helâ me hlu cici.

II. Korinito 12:15

Ke oge me he ka sēnyin he ka ohia omjehek, me ohiö nya minya hobi kâu je hanubun. Ke oge ne hnyok gânâ köbun, hawa, ame he ka ûhnyûkong hnobun hna hnyok könya?

II. Korinito 2:9

Anyin oge me sihnalimen minya can e, me me khanö nya thö haten gabun, hawa la, öbun e ne ûling hnyi ta je ûnyi hia.

II. Korinito 7:12

Ke haba hnyi hnok hna sihnalimen köbun, me ca hake hobi kâu bi at ame mâdrâ monu, ke ca hobi kâu minya bi at adre me monu kâu, ke so bi me me manen dut köbun hnyi hnyimakan Khong a öbun e kong hnyekuni öhmun.

Filipi 3:18

Anyin ae se hia tavat adre me he, kʼ oge me ibi ose hai odra köbun, kʼ oge me ha tengiâ walang ang, a ödra je iwahnaihmiony me satauro anyin Keriso: