II. Korinito 13:4 - Iaai Bible 1901 (New Caledonia)

⁴ anyin adre me osatauroâ e hnyi sënyin, kʼ ame möt hmetu thö ge man maniny Khong. Ke öhmun e sënyin minya unyin, kʼ öhmun e he ka tha möt më ge man maniny Khong köbun.

II. Korinito 13:4 ပူးပေါင်းရင်းမြစ်များ

Ioane 10:18

E ba at ame hûgûnâ e gak, ke inya oge me ham ka ûnyi gak. E hu man gak he ka ham e, ke hu man minya gak he ka hom hmetu. Wale hnanyibu oge me kap ûnyi ga Cica.

Ta je huliwa 2:36

Anyin a wale, e so e he lap anyi Isaraela hia ka wâhmakhmeto a gʼ ame hia but Khong wia Iesu at öbun e osatauroâ me me Than me Keriso.

Ta je huliwa 3:16

Ke haba at ang öbun e wâ, ke khanʼ öbun, me ame hwege bi ûnyi hnyi labageju ka hnyi ien, ke can ien bi: eke, adre me ham kâu hwege eang ae bekhöt hnyi hnyimaköbun hia hnen labageju a ûnyi gan.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

Roma 14:9

Anyin a mokcu Keriso ke möt hmetu thö, me me he ka Tuhan tavat adre mokcu me tavat miny; ae möt.

Roma 6:4

Anyin a wale adre me tha konim öta më hnen hna bapataiso ka hnyi mok: mʼ ate me he ka vheno möt ae teb ûnyi, helâ me adre me otilâ Keriso ûnyi hnyi hna mok hnen hmanenanginy Kamen.

I. Korinito 1:25

Anyin a haba hwen monu anyin Khong me nua metâiny hon at, ke haba sēnyin anyin Khong me nua hwegien hon at.

I. Korinito 15:43

adre me tä hnyi ca so; adre otilâ hmetu hnyi hmanenang: adre tä e hnyi sēnyin; adre otilâ hmetu e hnyi man:

I. Korinito 2:3

Ke inya unyibun hnyi sēnyin, me ot, me öbubuny ae gan hmâ.

I. Korinito 6:14

ke haba Khong ame omelö hmetu thö Than, me e ame he ka omeli öta hmetu ûnyi ge maniny man.

II. Korinito 10:10

Anyin a haingödra, ka habe, E hmak, ke man bi anyin je tusi; ke sënyin bi unyin, ke ca ûnyi hnathu bi hwan hofuc.

II. Korinito 12:10

Wale me inye senyinâ ta je sënyin, me ta je hna okongo, me ta je hna theduoc, me ta je hna seda, me ta je vec can Keriso: anyin a iny ka sënyin, wale ûen a iny hwege hnyin.

II. Korinito 13:9

Anyin öhmun e sēnyin; a ne hwege öbun kʼ öhmun sënyin bi: öhmun e hic miny mʼ öbun e he ka bekhöt.

Filipi 3:10

mʼ oge me he ka wâhmakhmetoâ e, me maniny möt hmetu a e, me he ka tha hnyok mē hnyi vec, me tha ûcû më hnyi imekiny;

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.