II. Korinito 13:1 - Iaai Bible 1901 (New Caledonia)

¹ WALANG okuniny he a inya köbun. Adre me he ka ohmâ ta je hofuc hia hnen li at a lo ame ne kun a hnyat ohnatho.

II. Korinito 13:1 ပူးပေါင်းရင်းမြစ်များ

Mataio 18:16

Ke ame ne ca ling u, bi hiâm ju minya ge at a khaca, ame ne lo, mʼ adre me he ka ohmâ ta je hofuc hia a tha hahnathoâ hnen hnyimen li at a lo, ame ne kun.

Deuteronomi 19:15

Ame ca he bi at a khaca ka tot me ohnathoâ ge at hnyi anyin monu, ame ne ke hulö, hnyi ke hulö e ame ânyâ; ke adre me he he ka ohmâ ke ûnyi ge ifucin li at ohnatho, ame ne kun.

Deuteronomi 17:6

Adre me he ka hlingâ at ae ûcû ka hnyi mok, ge ifucin hnyat ohnatho a lo li at, ame ne kun; kʼ adre me ca he ka hlingâ ge ifucin at ohnatho a khaca.

Numera 35:30

Haba at ame hlingâ at, me adre me he ka hlingâ thibi at ûhlingö ge hofuc hwan hnyat ohnatho: kʼ ame ca he at a khaca ka ohnatho ge ke at mʼ adre me he ha hlingâ e.

II. Korinito 12:14

Wâ bi, okuniny ju ang penapena a inya he ka he but köbun; ke oge me ca he ka ohmakʼ öbun: anyin oge me ca elâm anyibun ta je ûnyi, ke öbun bi: anyin a ca hanymen bi je lakon he ka ûkhöûnâ hobi kâu je kamen me hinyen, ke so bi je kamen me hinyen hobi kâu je lakon.

I. Je Than 21:10

ke ip ju li at a li at Belial hnyi hnyimakan, he ka bi fuco e, me ha, ka habe, U je bi gan ka Khong me than. Me hwaban thö e, hom dö e, me lûâ ge veto me me mokcu.

I. Je Than 21:13

Ke a o thö li at, a li at Belial, me laba hnyi hnyimakan: ke haba li at Belial ödru me bi fuco e, jia Nabotha, hnyi hnyimakan tavat, me ha, ka habe, A hia but Nabotha bi gan ka Khong me than. Me ödrin e hom e ka hnyi hoton taun, me luâ e ge veto me e ame mokcu.

I. Je Than 1:14

Wâ bi, u ka tiga ûhnenamö eling me than, me oge me he ka dit hotom, me ohnathoâ hwâm hofuc.