II. Korinito 11:2 - Iaai Bible 1901 (New Caledonia)

² Anyin a inya oge me ciʼ öbun ge hwakecin ciâ anyin Khong: anyin a oge me kocʼ öbun ka baga a khaca, mʼ inye he ka hum öbun ka Keriso helâ me hlu cici.

II. Korinito 11:2 ပူးပေါင်းရင်းမြစ်များ

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Ezekiela 44:22

Ke adre me ca he ka hom safac, me momo adre degec me hnân öiödra: ke adre me he ka hok hlu hnathu a je mâtrân lap anyi Isaraela, me ame ne safac âiân at bihut.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

Roma 7:4

Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

I. Korinito 4:15

Anyin a eja ke ne a ne ten thauzan tavat adre me nʼ öbun unyi Keriso, me ca se hia lakamöbun: anyin a oge me hnöku öbun hnyi Iesu Keriso deny ûthumetu ae so.

II. Korinito 4:14

ke e khanʼ öhmun a haba at ame omelö hmetu Than Iesu, ame he kʼ omeli öhmun hmetu minya me Iesu, me tha omanenʼ öhmun mʼ öbun.

Galatia 4:11

Inya oge me ot gabun, wâ e nye ûnyi baû anyik huliwa köbun.

Filipi 1:8

Anyin a Khong ame ohnathu nya ae gan hmâ hnok hna hnyok köbun hia ûnyi hnyi ibetengiö ae gan anyin Keriso Iesu.

Kolose 1:28

wale at öhmun e khetâ, me sihwegiâ ka tavat hia thithö, me nʼ odra hia hnyi metâ hia, mʼ öhmun e he ka omanenâ tavat hia thithö ae bekhöt soidra unyin Keriso;

I. Thesalonika 2:11

e khanʼ öbun hnöhmun hna ve nʼ öbun, me sihwegi öbun, me unö, helâ me kamen ka lakon,

Hna Omanenâ 14:4

Ödrin je hnyat a ca hamödrin okongu ödrin unyin omomo; anyin a ödrin so. Ödrin je hnyat adre me hnu hoton Arenio ka hnyi je dok ame he hnyin. Ödrin je hnyat adre ûco unyin tavat, me hnân wan a bân hobi kâu Khong me Arenio.