II. Korinito 1:9 - Iaai Bible 1901 (New Caledonia)

⁹ eke e bu gahmun hna ûnykûme be ka mok, mʼ öhmun e ca he ka geju kohmun bi, ke so bi ka Khong at ame omelö hmetu tavat adre me mokcu:

II. Korinito 1:9 ပူးပေါင်းရင်းမြစ်များ

Jobu 40:14

Me oge me he ka ogâ gam A ae khana hnyamâm a metâm he ka omeli u bi,

Salamo 22:29

Ame he hia tavat ae pipikhenya eang hmeledrany ka han me khudrung: Kʼ ame he ka nom kâu tavat hia adre me he ka hnyi kânâ, Wale at ae ca khana he ka omelo e bi.

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

Ta je Vejec 28:26

E monu at ame ka labageju ka hnyi hnyekon bi: Ke haba at ame vheno wisa, me ame he ka möt.

Isaia 38:10

Oge me ha, ka habe, Hnyi jebigöiny bonguk je bong oge me he ka he ka hnyi homagouleny erkemok: Ke adre hûgûnö nya kolon je hunaik.

Ezekiela 33:13

Ke iny ka ha ka at ae wisa, ka habe, e ame he ka möt; kʼ ame ne he bi ka labageju hwakecin ae wisa, kʼ ame ne ânyâ hulo bi, awe adre me ca he ka ûnykûme hwakecin ae wisa; kʼ ame he bi ka mekiny hulo e ame ânyâ.

Luka 18:9

Ke e ame ha ûhöûcû eang ka keihen adre me ka labageju kodra bi, a ödra wisa, ke adre me oûnyibâûâ keihen:

Roma 8:36

Helâ me hna sihnalimen, ka habe, Adre me hlingʼ ohmun hnyi ta je bong can u; Adre me oûcû ohmun me ta je mamoe hnân hlingâ.

II. Korinito 1:10

wale at ame omeli öhmun ûnyi hnyi mok ae gan helâe, kʼ ame he bi ka omeli öhmun: ke öhmun e geju kâu a gʼ ame be bala ka omeli öhmun;

II. Korinito 1:8

Hnyat me lakein lö, e ca wehmun e me ca khan öbun ge vec a o kohmun hnyi Asia, waleji adre me ti ohmakʼ öhmun ae gan hmâ hon tang hwegiöhmun, waleling me öhmun e ca ûnykûme hmetu bi he ka möt:

II. Korinito 3:5

ca ha bi a öhmun hake ûcû he ka ûnykûme ke ûnyi, me ka ûnyi gahmun bi; ke öhmun ûcû a ûnyi ge Khong;

II. Korinito 4:7

Ke hu but gahmun tang omjeû eang hnyi je utkaia kânâ, me me ûnyi ge Khong ûganiny man ae nua, ke ca ka ûnyi hi gahmun;

Heberu 11:19

ke e ame ûnykûme, ka habe, e khana Khong he ka omelö hmetu, ame ne mok ut at; ke e ame kap hmetu e ûheny e hnyi ûhoûcû.