II. Korinito 1:4 - Iaai Bible 1901 (New Caledonia)

⁴ at ame okahwʼ öhmun hnyi anyihmun je vec hia, me me khanʼ öhmun dut he ka okahwʼ ödra adre me vec, ge kahwa ame okahwʼ öhmun kâu hnen Khong.

II. Korinito 1:4 ပူးပေါင်းရင်းမြစ်များ

Salamo 32:5

Oge me ogâ anyik monu köu, ke oge me ca ikhâlâ anyik hulo: Haingök, ka habe, Oge me he ka omanenâ kö Iehova hnok je hna hanyâûâ; Me u je hna degecâ anyik hulo ae gan. [Sela.

Salamo 32:7

U thibi hnok hna lubaduöng; u me he ka tuö nya ge vec; U me he ka igigili nya ge je khumönginy ûhomeli. [Sela.

Salamo 66:16

Ai öbun, long ju öbun hia öbun e outen Khong, Me oge me he ka aû gaga hnen hna mâdrâ hobi kâu hanuk.

Salamo 86:17

Omanenâ thö könya haten ae sa; Me me he ka wâ me hmehma bi hnen tavat adre me hûkötiö nya, Anyin a u Iehova at ame hadruo nya, me otubweli nya.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 40:1

ÖTUBWELÂ ju öbun, otubwelâ ju öbun lakeik, haingen Khongubun.

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 52:9

Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

Ioane 14:16

Ke oge me he ka khöû ka Kamen, me me he ka ham köbun ke Ûhadruo, me me he ka tha e m bun nyiele balua,

Ioane 14:18

Oge me ca he ka hnʼ öbun helâ me je nakahme; ke oge me he ka o köbun.

Ioane 14:26

Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

II. Korinito 7:13

Anyin a wale adre ti okhawʼ öhmun: ke haba hnyi kahwa a öhmun, öhmun e sēnyin gan hmâ hnyi sēnyin anyi Tito, anyin ame okahwa hnyekon ûnyi gabun hia.

II. Korinito 7:4

E gan hmâ hnok hna fuc hwege köbun, ke gan hmâ hnok hna hobeluâ gabun: inya at ae unöngöt ge kahwa, oge me ti sēnyin gan hmâ hnyi anyihmun ta je vec hia.

Filipi 1:14

ke haba hna cö nya, me ame ha hwegiâ je hnyat me lakeiny ae se hia unyin Than, mʼ adre me hwege hmonyin he ka ha hofuc hwan Khong me ca ot.

I. Thesalonika 4:18

Anyin a wale ûsihwegiöbunköu thö ge ta je hofuc ang.

I. Thesalonika 5:11

Anyin a wale ûsihwegiöbunköu thö, me ûotilöbunköu, helâ minya me hnöbun hna ânyâ.

Heberu 12:12

Anyin a wale hai thö je hnyam ame him, me je bouca ae mat;