II. Je Than 9:3 - Iaai Bible 1901 (New Caledonia)

³ Me hom dö wakaco me i hingâlâ hon ban me ha, ka habe, Walang hna ha hnö Iehova, ka habe, Oge hia but hû u hnân than Isaraela. Ke u ma khong ut hwanuma me kec, ke ca bec bi.

II. Je Than 9:3 ပူးပေါင်းရင်းမြစ်များ

I. Je Than 1:34

me hamö Zadoka at bihut me Nathana perofeta, he ka hû e eling me me than bi hon at Isaraela: ke öbun e he ka tûâ trutru, me ha, ka habe, E so e möt bi than Solomona.

I. Je Than 19:16

ke u me he ka hû Jehu nöku Nimesi hnân than Isaraela: ke u me he ka hû Elisaia nöku Safata, ûheny Abela-mehola me perofeta hwabâm.

II. Je Than 8:13

Me haba Hazaela ame ha, ka habe, Ie inya a athnyabaem, a kuli, mʼ oge me he ka ânyâ ûnyi e ae gan? Me Elisaia ame thu, ka habe, A hia but Iehova omanenâ könya a u me he ka than Suria.

II. Je Than 9:6

Me e ame todrö me dit ka hnyin uma; ke e ame hingâlâ wakaco hon ban me ha kâu, ka habe, Walang hna ha hnö Iehova, Khongu Isaraela, ka habe, Oge hia but hû u hnân tuhan lakei Iehova, wale Isaraela.

II. Man Ûlabainy Je Than. 22:7

Ke ûnyi ge Khong mok anyi Ahazia, can e ame he kö Jorama: anyin a e ame o but, me e ame tha he me Jorama ka vat me Jehu, nöku Nimesi, at ame hû ga Iehova he ka subâ degecâ lap anyi Ahaba.

Esodo 29:7

Me u me he ka hom wakaco hnân hû, me hingâlâ hon bân me hû.

Daniela 2:1

HNYI huna a loiny musi a Nebukaneza, haba Nebukaneza ame bwo je bwi; me ame hlohlo hnyekon, me e ame ca mokut bi.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Levitiko 8:12

Ke e ame hingâlâ wakaco hnân hû hon bö Arona, me hû e, me me okabâ.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Mataio 2:13

Ödrin e he but, me wâ bi, ame manen dut angela anyin Than kö Josefa hnyi bwi, ame ha, ka habe, Todrö, hom dö inma me hinyen, ke kec dö Aigupito ai, me laba eling, ke ne o but hnyi ûen oge me he ka thumetu u hnyin: anyin ame he Heroda ka elâm inma he ka hlingâ e.

Mataio 26:7

me ame o but kâu ke momo ae hu kaia alabasa tangen muro ae gan hmâ hwaban, me hingâlâ hon ban, hnyi ûen e ame tiga laba ju ka han.

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?

I. Samuela 15:1

KE haba Samuela ame ha kö Saulo, ka habe, Iehova ame kunö nya he ka hû u me thaniny lakeiny a at Isaraela: ke long ju walang ang hofuc ho Iehova.

I. Samuela 15:17

Haba Samuela ame ha, ka habe, Eja ke ne u je ne at ae ûhnyûkong ehac, hawa, adre ca hum u hnân homakan je tribu Isaraela? Me Iehova ame hû u mʼ u me thaniny at Isaraela;

I. Samuela 16:2

Ke haingö Samuela, ka habe, Oge me he ka hawa? ame he Saulo ka hlingö nya ame ne löng bi. Haba Iehova ame ha, ka habe, U me he ka tha hom mou ke nokon kau, me ha, ka habe, Oge me o he ka hudo kö Iehova.

I. Samuela 9:16

haba nyi hnyi ûen helâng, oge me he ka kunâ köu ke at ûnyi hnyi hnyei Beniamina, ke u me he ka hû e, me me taben lakeik at Isaraela, me e ame he ka omelö lakeik ûnyi hnyi hnyamen at Filisiti: anyin a oge hia but wâ lakeik, kʼ ame o but könya anyidra mâng.