II. Je Than 7:2 - Iaai Bible 1901 (New Caledonia)

² Haba taben, waleji a he cimâ hnyamen than, ame thu ka aten Khong, ka habe, Wâ bi, ame ne he Iehova ka bi mamalama hnyi drany ame ne he ka manen ûnyi e? Ka haingen, ka habe, Wâ bi, u me he ka hnyi wâ e ge li emakâm kʼ u me ca he ka hnyi han.

II. Je Than 7:2 ပူးပေါင်းရင်းမြစ်များ

Genese 7:11

Haba hnyi huna a siks hadediny möt anyi Noa, hnyi tehi a loiny, hnyi bong a seventininy tehi, haba hnyi bong eling ame patrutrua thö ta je pupuainy köiö ae gan hmâ, kʼ adre khong ut je mamalamainy drany.

II. Je Than 5:18

Ke haba hnyi ûnyi ang e so ame he Iehova ka betenge ka athnyabaem; e ka didro tuhok hnyin uma umo Rimona he ka khudrung eling, ke e ame cimâ hnyamok, me oge me nom hnyi uma umo Rimona, haba iny ka nom hnyi uma umo Rimona, me e so ame he Iehova ka betenge ge athnyabaem hnyi nnyi eling.

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

Salamo 78:41

Ke adre me hmetuhmetu me cubec Khong, Me haiûhnyûkongoâ At ae Kap anyi Isaraela.

Isaia 7:9

Ke Samaria ban ka Eferaima, ke nöku Remalia ban ka Samaria. Öbun e ne ca labageju, e hnathu öbun e ca he ka tethmâ.

Jeremia 29:32

anyin a wale, walang hna ha hnö Iehova, ka habe, Wâ bi, oge me he ka bi hwaban kö Semaia, me je mâtrâniny; ame ca he ka hu aten ame he ka laba unyin tavat ang, ke haba khaca e ame ca he ka hnyi wâ so, wale oge me he ka ânyâ ka lakeik, haingö Iehova, anyin a e ame hia but ha he ka ûkhin fuc me Iehova.

Malaki 3:10

Hom dʼ öbun libenyitainy ae bekhöt ka hnyi uma hnân hip omjeû, me me hu han hnyi umök uma, me cubic nya ju walang ang hnen e, haingö Iehova tuhan sabaoth, oge ne ca he ka khong ut köbun je hlinginy drany, me hingâlâ hubun hnahic, ke ne o but ame ba hnen e.

Numera 11:13

Ûnyi ua utiö, mʼ inye he ka ham ka je hnyat hia eang? anyin adre me tenge könya, me ha, ka habe, Ha ohmun ge utiö.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Roma 3:3

Eja ke ne adre ne ca labageju keihen, me ieû thö? e khana anyidra ca labageju he ka oûnyibâûâ hwakecin ae hnathu anyin Khong?

Deuteronomi 3:27

Ölö thö ka hnyi hon Pisega, me bwele jio, me ka hnyi hwadrö, me hwaiöu, me deiö, me wâ ge li emakâm; anyin a u me ca he ka hnyi hanyâûâ Joridano eang.

II. Timoteo 2:13

ke ate ne ca hnathu, me hnathu bala bi e; anyin e ca khana he ka hamen ivinoâ e bi.