II. Je Than 7:1 - Iaai Bible 1901 (New Caledonia)

¹ KE haba Elisaia ame ha, ka habe, Long ju hofuc ho Iehova: walang hna ha hnö Iehova, ka habe, Helâ nyi ang, ame he ka khaca sea falawa hwaban sekel, ke lo li sea bali hwaban sekel adre me he ka ûco hnyi homagouleny Samaria.

II. Je Than 7:1 ပူးပေါင်းရင်းမြစ်များ

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

II. Je Than 20:16

Haba Isaia ame ha kö Hezekia, ka habe, Long ju hofuc ho Iehova.

II. Je Than 4:42

Ke ame o but ke at ûheny Baala-salisa, ke ame hom ka aten Khong aretoiny je wan a bân, a twente je areto bali, me je ban hwit ae hât hnyi tangen tang. Me haingen, ka habe, Ham dö ka tavat mʼ ödrin e han.

II. Je Than 6:25

Ke gan hmâ hmiâ hnyi Samaria: ke wâ bi ödrin e thelöng e me me eite je sileva hwaban ban asina, ke faiv je sileva hwaban ke keihen kabe a vakiny tatet tiny biny.

II. Je Than 6:33

Ke e ame tiga ûhnenamö mödrin, wâ bi, ame o but kâu ûthumetu: me e ame ha, ka habe, Wâ bi, ûnyi ga Iehova kong ang; anyin a ieû oge me he ka halubahing Iehova hmetu?

II. Je Than 7:16

Me ame didrut tavat me sö hna hunuma anyin at Suria. Me adre me ûco khaca sea falawa hwaban sekel, ke lo li sea bali hwaban sekel, helâ me hofuc ho Iehova.

Salamo 46:5

E but Khong hnyi wanben e; kʼ ame ca he ka bwebwet: Ame ie he Khong ka hadruâ e, wale hnyi okubelit.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Esodo 16:12

Oge löng ut ietra anyin lakon Isaraela: ha thö ködra, ka habe, Eâu sahac öbun e he ka han meno, ke haba hnyi hnyomakatu ame he ka sekubun ge jeû; kʼ öbun e he ka wâhmakhmeto a inya Iehova Khongubun.

Esodo 8:23

Ke oge me he ka sihnyigöulen dut lakeik me lakem: ke haba nyi ame he ka hu haten ang.

Isaia 1:10

Öbun je taben hnyi Sodoma lö, long ju hofuc ho Iehova; at Gomora lö, tevehlong ju ka hnanyibu anyin Khonguta.

Ezekiela 37:4

Ke e ame ha minya könya, ka habe, Perofeta thö hon je jö ejo, me ha kodra, ka habe, Je jö ae löulöu but lö, long ju hofuc ho Iehova.

Ioane 6:9

Wale ke da ae hu je areto bali a faiv ke li ong wâ: ke hnân eû thö ling ke se hia tavat?

Josua 3:5

Ke haba Josua ame ha ka tavat, ka habe, Okabi öbun dö, anyin a haba bong nyi me Iehova ame he ka ânyâ unyibun ta je ûnyi hnân lâiâ.

Hna Omanenâ 6:6

Ke oge me löng hnyi wanben ta je ûnyi ae möt a vak helâke ifucin at, ame ha, ka habe, Ama okhaca unöngöt tulut ge hwit hwaban denari a khaca, ke okun unöngöt tulut ge bali hwaban denari a khaca; ke ca okongo bi wakaco me waina.

I. Samuela 11:9

Me adre me ha ka je metâ ödrin e o, ka habe, Öbun e he ka ha ka at Jabese-gileada, ka habe, Haba nyi e ka vec ut hwan seûno, me adre me he ka hnʼ öbun. Me ame he je metâ me thumeto at Jabese, me ödrin e senyin.

I. Samuela 15:1

KE haba Samuela ame ha kö Saulo, ka habe, Iehova ame kunö nya he ka hû u me thaniny lakeiny a at Isaraela: ke long ju walang ang hofuc ho Iehova.